Popular Bible Verses from HEBREOS 5

Share

Nento ekyennakte nak, wánxa aksa etawagkok ma'a ektaha nak metnaha apketkók, cham'a apmopwancha'al'a elyekpelkohok aksok, hakte apwanchek elyekpelkohok ma'a aksok ektakmela nak, tén han ma'a aksok ekmaso nak.

Nano' axta kexaha eykhe kóltehek kéxegke kélxekmóso kélnámokkok, kéméxchek eyke kóltámesaxchek makham kéxegke nelxekmowásamáxche eñama Dios ekmanyehe nak agya'asagkohok, kélyelkáxkók kélagko' eyke kéxegke. Kéméxchek cha'a kólyenagkok weyke nam'agkok apyegmenek hakte megkólwanchek makham kóltók ma'a kélto ekyennakte nak. Enxet ektahakxa enxoho makham apya weyke nam'agkok apyegmenek, máxa etnehek makham ma'a sakcha'a apteykegkohol'a neme, hakte mopwanchek elyekpelkohok xama aksok.

Aplegeykegkoho axta keñamak Cristo eltámeya yakwayam etnehek apkelyaheykekxoho, cham'a aptaha nak eykhe Dios Apketche. Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

Ennaktéshok axta cha'a appeywa Cristo neyseksa apha axta keso náxop, yetlo apwóno axta anhan cha'a etnehek nempeywa nelmaxnagko ewónmakha Dios, aptaha nak apmopwána emyók emátog, aplegayók axta cha'a Dios xa, hakte apkelyaheykekxoho axta eghak Jesús.