Popular Bible Verses from HEBREOS 3

Share

Kólpasmaxkoho cha'a ekyókxoho ekhem neyseksa megkamassegwayam makham se'e “ekhem negwánxa nak”, cham'a ekxeyenma nak han eknaktáxésamaxche, yakwayam enxoho megkalyexanchesha kélxama kéxegke m'a mólya'asáxma nak, yakwayam enxoho nahan metnehek meyke apkelyaheykekxoho.

Elyáxeg kólawho sat keytek ekmaso elchetamso kélwáxok kéxegke, cham'a segyenyókasamol'a Dios memassegwayam nak, eñama ekteme ekya'áseyam kélwáxok.

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

nágkólyennaktés aksa kélwáxok nágkólteme apkeltémakxa axta ẽlyepmeyk nano', cham'a apkenmexeykencha'a axta Dios, cham'a apyekkónma axta anhan aplókasama Dios ma'a yókxexma meykexa énxet.

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.