Popular Bible Verses from Apocalipsis 11

Share

Quia joꞌ ángel na jnda̱ ntquieeꞌ tjo̱o̱ⁿꞌo̱ⁿ ntu ꞌnaaⁿꞌaⁿ. Ndoꞌ teicꞌuaa na jndeii cwilaꞌneiⁿ nnꞌaⁿ cañoomꞌluee. Cwilue: Ticwii cwii ndyuaa na ñesa̱ꞌntjomndye cheⁿnquieenaꞌ, jeꞌ mꞌaⁿnaꞌ nacje ꞌnaaⁿꞌ Ta Tyꞌo̱o̱tsꞌom cwentaaya ñequio Jnaaⁿ Cristo. Jom ticantycwii cantyja na matsa̱ꞌntjoom.

Nnꞌaⁿ tsjoomnancue cwilaꞌjndoona ꞌu, sa̱a̱ jeꞌ jnda̱ tueꞌntyjo̱ xjeⁿ na matseiꞌwꞌiiꞌ joona. Jnda̱ tueꞌntyjo̱ xjeⁿ na nncuꞌxeⁿꞌ nnꞌaⁿ na jnda̱ tja̱, ndoꞌ na nñequiaaꞌ juu na cwitaꞌntjom nnꞌaⁿ na tyondyeꞌntjom njomꞌ na tyoñequia ñꞌomꞌ. Ndoꞌ mati nñequiaaꞌ na cwitaꞌntjom chaꞌtso ntꞌomcheⁿ nnꞌaⁿ na laꞌxmaⁿ cwentaꞌ na cwilaꞌtꞌmaaⁿꞌndye xueꞌ, meiiⁿ nnꞌaⁿ na tꞌmaⁿ laꞌxmaⁿ, ndoꞌ meiiⁿ nnꞌaⁿ na titꞌmaⁿ laꞌxmaⁿ. Ndoꞌ na nntseicanduꞌ nquiee nnꞌaⁿ na cwilaꞌndaaꞌ nꞌom nnꞌaⁿ na chaꞌwaa tsjoomnancue.

Mꞌaⁿ we nnꞌaⁿ ꞌnaⁿya na cwitjeiꞌyuuꞌndye cantyja ꞌnaⁿya. Joona nlqua̱a̱ⁿya na nñeꞌquiana ñꞌoom nda̱a̱ nnꞌaⁿ cwii meiⁿ xuee waljooꞌ we siaⁿnto waljooꞌ ndyeenꞌaaⁿ xuee. Ndoꞌ nlcweeꞌna liaa ntom na cwantindyo.

Sa̱a̱ quia jnda̱ jnda̱a̱ꞌ ndyee xuee waljooꞌ xcwe na nncwindyuaa seiꞌtsꞌo ꞌnaaⁿ naⁿꞌñeeⁿ, quia joꞌ nñequiaa Tyꞌo̱o̱tsꞌom na nnquioonndaꞌ jndyeena, nntaꞌndoꞌnndaꞌna. Mantyja nncwintyjeeꞌyuna ndoꞌ jeeⁿ ndyaꞌ nntyue nnꞌaⁿ na nntyꞌiaa na ljoꞌ nluii.

Wendye joona nñequiaa Tyꞌo̱o̱tsꞌom na nlaꞌxmaⁿna najnda̱na na nlaꞌcata̱ꞌna tsjo̱ꞌluee cha tincuaꞌ chaꞌtsoti xuee na cwiñequiana ñꞌoom ꞌnaaⁿꞌaⁿ. Ndoꞌ mati nñequiaaⁿ najndeii na nlaꞌxmaⁿna na nlaꞌcwaqueⁿna ndaatioo na nntsꞌaanaꞌ niomꞌ. Ndoꞌ cwanti ndiiꞌ na lꞌue nꞌomna nnda̱a̱ nlaꞌquioona meiⁿnquia nnom nawiꞌ nacjoo nnꞌaⁿ tsjoomnancue.

Wendye joona meintyjeeꞌtyeⁿna jo nnom nquii Ta Tyꞌo̱o̱tsꞌom na matsa̱ꞌntjom chaꞌwaa tsjoomnancue. Cwiluiindyena we nꞌoom olivos ñequio we ꞌnaⁿ na cwicañjoomꞌ nlca. Ndoꞌ xeⁿ mꞌaaⁿ ꞌñeeⁿ juu na ñecatsꞌaa nata̱ꞌ wendye naⁿꞌñeeⁿ, quia joꞌ nluiꞌ chom ndyueena na nlcoñe tsaⁿꞌñeeⁿ. Meiⁿcwiꞌñeeⁿcheⁿ tsꞌaⁿ na ñeꞌcatsꞌaa nata̱ꞌ joona, majndaaꞌ na laaꞌtiꞌ nncueꞌ.