Popular Bible Verses from Tito 1

Share

Ni̱ ataj ni sij sisi̱ niꞌi ni sij Yanꞌanj. Sani̱ rugüiꞌ si ꞌyaj ni sij sisi̱ sé si xa̱ngaꞌ ni sij nicaj dugüiꞌ ni sij nga̱ Yanꞌanj mánj. Ni̱ huin aninꞌ ruhua ni sij. Ni̱ ununꞌ ni sij nga̱ nuguanꞌ sa̱ꞌ. Ni̱ naꞌue gui̱sij ni sij gui̱ꞌyaj ni sij ni̱ a̱ ꞌngo̱ ni rasu̱n sa̱ꞌ mánj.

Daranꞌ ni rasu̱n hua sa̱ꞌ rian ꞌngo̱ tsínj hua sa̱ꞌ niman. Sani̱ ni̱ a̱ ꞌngo̱ ni rasu̱n hua sa̱ꞌ rian ni tsínj nun xu̱man ruhua ni̱ꞌyaj Yanꞌanj nga̱ ni tsínj nun hua sa̱ꞌ niman. Daj si ani quij ruhua ni sij. Ni̱ nitaj si hua sa̱ꞌ niman ni sij.

Ni̱ hua nia̱n si ga̱huin ni̱ca ruhua sij nga̱ si-nu̱guanꞌ Yanꞌanj huin nuguanꞌ sa̱ꞌ digyán únj rian ni ngüi̱ nicoꞌ Yanꞌanj. Ngaa ni̱ ga̱ꞌue gui̱ꞌyaj fuerza sij nga̱ ango ni ngüi̱ xiꞌí nuguanꞌ sa̱ꞌ gahuin chru̱n sij. Ni̱ ga̱ꞌue gu̱nucuaj sij sisi̱ gu̱xuman ruhua ni tsínj ununꞌ nga̱ sij.

Ngaa ni̱ ꞌngo̱ tsínj huin achij, ni̱ hua nia̱n sisi̱ ga̱che sij ꞌngo̱ chrej ni̱ca. Daj si nicaj sun sij si-sun Yanꞌanj. Ni̱ si̱ ga yanꞌanj ruhua sij mánj. Ni̱ si̱ guinanꞌan ruhua sij mánj. Ni̱ si̱ guixini sij mánj. Ni̱ si̱ gaꞌmi huee sij mánj. Ni̱ si̱ digyaꞌ yunꞌunj sij dugüiꞌ sij xiꞌí si ga̱ꞌue ga̱ꞌne sij si-sanꞌanj síꞌ. Sani̱ hua nia̱n si ga̱ꞌninꞌ sij ducuá sij ga̱tu ni ngüi̱ ꞌna̱ꞌ chrej. Ni̱ ga̱ nia̱ꞌ ruhua sij nga̱ nuguanꞌ ꞌueé nej. Ni̱ du̱gumi sij si ꞌyaj manꞌan sij. Ni̱ gui̱ꞌyaj ni̱ca sij nej. Ni̱ ga̱huin sa̱ꞌ niman sij rian Yanꞌanj. Ni̱ du̱gumi sa̱ꞌ sij si-chrej manꞌan sij.

Ngaa ni̱ na̱ri sún re̱ꞌ tsínj hua sa̱ꞌ niman rian Yanꞌanj. Ni̱ hua nia̱n si ga̱ urin nica̱ ni sij. Ni̱ hua nia̱n si huin daꞌníj ni sij tsínj xuman ruhua niꞌyaj Jesús. Ngaa ni̱ si̱ gaꞌue ga̱ꞌmi gaquinꞌ ni ngüi̱ xiꞌí ni sij sisi̱ ꞌyaj quij daꞌníj ni sij. Ni̱ si̱ gaꞌue ga̱taj ni ngüi̱ sisi̱ ununꞌ daꞌníj ni sij nga̱ chrej ni sij mánj. Sisi̱ da̱j ꞌyaj daꞌníj ni sij, ni̱ si̱ nari sún re̱ꞌ ni sij mánj.