Popular Bible Verses from Judas 1

Share

Ni̱ ꞌi̱ ruhuāj niꞌyā ni é re̱ꞌ. Ngaa ni̱ ga̱huin ni̱ca ruhua ni é re̱ꞌ nga̱ nuguanꞌ guxuman ruhua ni é re̱ꞌ huin nuguanꞌ sa̱ꞌ ni̱nꞌ ruhua. Ni̱ ga̱chinj jniꞌyaj ni é re̱ꞌ rian Yanꞌanj da̱j rúnꞌ di̱gyán Espíritu Santo rian ni é re̱ꞌ aj.

Ni̱ Yanꞌanj huin si nucuaj. Ni̱ ga̱ꞌue du̱gumi Yanꞌanj néꞌ sisi̱ si̱ guereꞌ ruhua néꞌ. Ni̱ ga̱ꞌue gui̱ꞌyaj Yanꞌanj sisi̱ ga̱ sa̱ꞌ néꞌ ga̱nꞌanj néꞌ rian nne sa̱ꞌ manꞌan Yanꞌanj. Ni̱ ni̱nꞌ ruhua ga̱huin nia̱ꞌ ruhua néꞌ. Urin Yanꞌanj huin Yanꞌanj xa̱ngaꞌ. Ni̱ niꞌi sa̱ꞌ Yanꞌanj daranꞌ nuguanꞌ. Ni̱ Yanꞌanj huin si nacaj néꞌ. Ni̱ yya̱j ni̱ hua nia̱n si ga̱ꞌmi sa̱ꞌ daranꞌ ni ngüi̱ xiꞌí Yanꞌanj. Daj si nucuaj ni̱nꞌ ruhua Yanꞌanj. Ni̱ ni̱nꞌ ruhua nicaj Yanꞌanj fuerza. Ni̱ hué daj ga̱ꞌmi sa̱ꞌ ni̱ganj ni̱nꞌ néꞌ rian Yanꞌanj anj. Amén.

Ni̱ ꞌngo̱ gui̱ꞌyaj ni é re̱ꞌ da̱j rúnꞌ huin ruhua Yanꞌanj gui̱ꞌyaj ni é re̱ꞌ. Ngaa ni̱ gui̱niꞌi yya ni é re̱ꞌ sisi̱ ꞌi̱ ruhua Yanꞌanj niꞌya ni é re̱ꞌ. Ni̱ ga̱naꞌuij ni é re̱ꞌ sisi̱ ri̱qui Señor Jesucristo si ga̱ne ni̱ganj ni é re̱ꞌ nga̱ Yanꞌanj. Daj si nani yaco ruhua sij niꞌyaj sij ni é re̱ꞌ.