Popular Bible Verses from Miqueas 4

Share

Maske in che niman qe txqantl tnam kye qe kydios, atzun qe, te jumajx qo nimal te Qman aju Qdios.

Nimku kyajlal nasyon che ul ex ok kyma': Kytzaje, qo jax twi' ju witz etzan tu'n Qman, tuj tja Tdios Jacob, tu'ntzun ttzaj tyek'un qe aju tb'e ex tu'n qb'et tuj, che chilo. Ex atzun ktzajel tq'o'n Qman xnaq'tzb'il tuj tnam Sión, ex tuj Jerusalén ktzajel tma'n tyol.

Tuj b'ajsb'il tq'ijlalil kyjel q'uqb'a'n ju witz jatum tkub'sa'n tja Qman, atzunju witz lu mas ma' twa'l; mas ma' twa'l kywitz qe txqantl witz, ex kykyaqil qe tnam che ul twi'.

Che okel qe nasyon tuj xjel tu'n Qman, ex kxel tb'incha'n kyi'j nimku nasyon nimxix kyipun, qeju niqayin ate' ex qeju najchaq ate', aqeju in che q'ojin kyxolx. Kb'ajel kyb'incha'n qe kyspad tu'n kyok te kypunt ex qe kylans tu'n kyok te job'l triw. Mi jun tnam tu'n ttzaj ti'n juntl maj qe t-spad tu'n tq'ojin ti'j juntl, ex mlay kyk'am mastl xnaq'tzb'il tu'n kyq'ojin.