Popular Bible Verses from Mateo 15

Share

Ex aju tyol xjal nne'tz tuj ttzi', tuj tanmi xjal in jatz; atzunju in tz'ilix xjal tu'n. Porke tuj kyanmi xjal in tzaj kyximb'etz mya b'a'n, ex tu'n tkub' jun xjal kyu'n, ex tu'n kyb'inchante aj pajil, ex tu'n kyyaẍin, ex tu'n kyelq'an, ex tu'n kynik'an yol kyi'j kyuk'il, ex tu'n kysi'min yol.

Aju in xi' tu'n xjal, minti' in tz'ilix xjal tu'n, noq o'kx in tz'ilix xjal tu'nju tyol nne'tz tuj ttzi'.

Qe xjal lu noq tu'n kytzi' in chin nimanjtze kyu'n, atzun ju kyanmi najchaq ta' wi'je. Noqx gan in che k'ulun nwitze, porke aju xnaq'tzb'il in kyq'o'n, kye xjal kymandamyent, chi Isaías.

Xitzun ttzaq'we'n Jesús: —Aya xu'j, nimxix tokslab'la at. Kb'inchetel teya aju tajb'ila, chi Jesús. Ax or lu b'i'x b'anix ju tal.

Ultzun te xu'j, kub' ẍmeje' twitz Jesús ex tma: —Tat, chin tonintza, chi xu'j. Xi ttzaq'we'n Jesús: —Mya b'a'n tu'n tel q'it kywa k'wa'l ex tu'n t-xi q'ot kye tal tx'yan, chi Jesús. Xitzun tma'n xu'j: —Ax tok, Tat; pero qe tal tx'yan in xi kywa'n tb'uchil wab'j nne'l tz'aq ttxa'n kymes kyajaw.