Popular Bible Verses from Mateo 12

Share

Ex kxel nma'ne kyeye, tkyaqil yol noqx gan ex minti' tajb'en aju in kyma'n xjal, che okel tuj xjel ti'j tuj tq'ijlalil jwisi. Ex tu'nx tyola ktzajel q'ma'n teya tu'n tetza libre, ex tu'nx tyola ktzajel q'ma'n teya tu'n tkub' t-sentensa.

Aqeye tiyjil q'anti'. ¿Tza'n tten tu'n kyyoline yol b'a'n, ex mya b'a'n qeye? Ex tkyaqilju at tuj tanmi xjal, axtzunju in yolin ti'j.

Aju xjal b'a'n, in tb'incha'n b'a'n, ex atzun ta' b'a'n tuj tanmi; atzunte xjal mya b'a'n, in tb'incha'n mya b'a'n, ex atzun ta' mya b'a'n tuj tanmi.

Kyja'tzun kxel nma'ne kyeye: Tkyaqil kyil xjal jaku najset, tuk'ix tkyaqil mya b'a'n in kyma'n; ex qa ma che yolin mya b'a'n ti'j Xewb'aj Xjan, mlay najset kyil.

Tz'elx kynik'e ti'j, qa b'a'n jun tze', ax ikx twitz b'a'n, ex qa mya b'a'n jun tze', ax ikx twitz mya b'a'n; porke ti'j twitz tze' nne'l qnik' ti'j qa b'a'n ex qa mya b'a'n.