Popular Bible Verses from Levítico 19

Share

Mi'n tz'aj kyq'o'ne t-xel mya b'a'n kyi'j kyxjalile qa at jun mya b'a'n ma kyb'incha kyi'je, ex mya kukx tu'n t-xi kyk'u'ne q'oj tuj kyanmiye kyi'j. Noq o'kx kyk'ujlame qe kyuk'ile ik tza'nx kyeye in kyk'ujlan kyib'e. Aqine Kymane.

Mi'n b'aj kyqesune kyximlale noq tu'n tlaj jun kyimni, ex mi'n tz'ok kyq'o'ne jun tilb'ilal ti'j kychib'jale. Aqine Kymane.

—Q'manxa kye tnam xjal aj Israel qe yol lu: Che okxe xjan, porke weye xjan qine, aqine Kymane ex Kydiose.

Mi'n tz'el kyik'une jun kyermaniye tuj kyanmiye; qa at jun mya b'a'n ma tb'incha jun kyuk'ile, kykawinxe, tu'ntzun mya kyuk'ixe at kyoklene ti'j til.

Mi'n che'xe kyuk'il qe xjal in tzaj kytxko'n kyanmi kyimni; ex mi'n che'xe kyuk'il chman. Mi'n txi kyqanine jun kyxjele kye, porke tu'n jlu jaku b'aj kytz'ilsan kyib'e. Aqine Kymane ex Kydiose.

Mi'n che si'mine yol kyi'j kyuk'ile kyxol kyxjalile. Mi'n jaw kysi'mine yol ti'j kyuk'ile tu'n tkub' b'yo'n. Aqine Kymane.