Popular Bible Verses from Juan 15

Share

Aqine tqan uva, atzun kyeye tq'ab' uva qeye; alkye ax tok wi'je ex tok qine ti'j, atzunju nim twitz k'okel. Qatzun kypa'n kyib'e wi'je, minti' kb'antel kyu'ne.

Che tenkje wuk'ile ex aqine kyuk'ile. Ik tza'n jun tq'ab' uva mlay tz'ok twitz tu'nx tib' qa mya tok ti'j tqan uva; ikxtzun kyeye mlay tz'ok kywitze qa minti' ẍe kyaj tene wuk'ile.

Qa ma che kyaj tene wuk'ile, ex qa ma kyaj ten nyole tuj kyanmiye, kyqaninxe tkyaqil alkye kyajb'ile, ex ktzajel q'o'n kyeye.

Mya aqeye e jaw sk'onte weye; noq o'kx aqine ẍin jaw sk'onte kyeye ex ma tz'ok nq'o'ne kyoklene tu'n kyxi'ye aq'nal, ex tu'n tok kywitze ex kukx tu'n tten kywitze ik tza'n jun wi' uva at nim twitz, tu'ntzun ttzaj tq'o'n Nmane kyeye tkyaqilju kxel kyqanine te, tu'nju okslal qeye wi'je.

Qa at jun xjal ma txi tq'on tib' tu'n tkyim tu'n kyklet qe tamiw, mas ma' tk'ujlalil, mlay pon tk'ujlalil juntl ik tza'n jlu.

Tkyaqil tq'ab' uva tok wi'je qa minti' twitz, k'elel ttx'emin; ex tkyaqilju tq'ab' uva at twitz, k'elel ti'n ttzqijil ti'j tu'ntzun tok txqantl twitz.

Atzun nmandamyente jlu: Tu'n kyk'ujlante kyib'e kyxolxe, ik tza'n weye ma che nk'ujlaye.

Tu'ntzun jlu kjawil nimsa'n Nmane qa ma tz'ok nim kywitze, ex kyja'tzun tten tu'n kyoke te nxnaq'tzb'ene.

Aqine tqan uva axix tok, atzun Nmane atzun aq'nal ti'j.

Alkye minti' ma kyaj ten wuk'ile, k'elex xo'n ex ktzqijel ik tza'n qe tq'ab' uva in tzaj kyi'n xjal ex nno'kx kyq'o'n tuj q'aq' tu'n kyb'aj tz'e'y.

Tkyaqil jlu ma txi nma'ne kyeye tu'ntzun kytzalaje junx wuk'ile ex tu'n kytzalaje nimxix.

Qa ma che japun qe nmandamyente kyu'ne, kukx ktel nk'ujlalile kyi'je; ik tza'n weye ma che japun qe tmandamyent Nmane wu'ne ex kukx ma ten tk'ujlalil wi'je.

Atzun jlu kxel nma'ne kyeye: Tu'n kyk'ujlante kyib'e kyxolxe.

Noqwit te twitz tx'otx' qeye, mawtlo che k'ujlanjtze kyu'n xjal ik tza'n in che k'ujlanjtz qe kyuk'il kyu'n, ex ja'lo ma che jaw nsk'o'ne kyxol xjal, tu'ntzunju ma che el ik'une kyu'n, porke mya te twitz tx'otx' qeye.