Popular Bible Verses from Ezequiel 37

Share

Tmatzun Qman weye: Txi yolina kye qe b'aq lu te nxele, ex q'manxa kye: Aqeye tzqij b'aq, kyb'intze aju tyol Qman: Chi Qman kyeye kyja': K'okex nq'o'ne juntl maj kyxewe kyuje tu'ntzun kyjaw anq'ine juntl maj.

K'okel nq'o'ne juntl maj kyb'otx'ile, ex k'okel nq'o'ne kychib'jale; k'okel nq'o'ne kytz'umale ex ktel juntl maj kyxewe wu'ne tu'ntzun kyjaw anq'ine. Atzun k'elel kynik'e ti'j, aqine Dios, chi Qman, chikuya kye.

Tmatzun Qman weye: ¿Jakupe che jaw anq'in juntl maj qe b'aq lu? Atzun weye xi ntzaq'we'ne: Nman, o'kx aya b'a'n tu'n.

O nna'ye tipumal Qman, ex in etz q'i'ne tu'n T-xew; in kub' tq'o'n tuj jun chq'ajlaj jatum attoq nim kyb'aqil kyimni. Ex inx ti'n tuj tkyaqil chq'ajlaj lu, nojnitoq tuj tu'n kyb'aqil kyimni, nimxix wen ex jumajx tzqij qe.

O chin yoline kye ik tza'nx tzaj tma'n Qman weye. Tej matoq in chin yoline kyuk'il, o nb'iye jun tq'ajq'ajel; in che swok'in qe b'aq wen tej tok kychmon kyib' jun tuk'il juntl. Ex o wile otoq tz'ok kyb'otx'il ex kychib'jal tuk'ix kytz'umal, ex minti'toq kyxew.