Popular Bible Verses from Éxodo 9

Share

ex ma kyaj anq'ina wu'ne tu'n tel tnik'a ti'j wipumale, ex tu'n tel tqanil nb'iye tuj tkyaqil twitz tx'otx'.

Tzajtzun tma'n Qman te Moisés: —Tokxa twitz Faraón ex q'manxa te kyja': Chi Qmane, aju Qdiose aqo'ye aj Hebreo: Che ttzoqpi'mexa qe xjal etzan wu'ne, tu'n kyk'ulun weye, chi Qman.

Noqwit xi nyek'une wipumale tu'n tk'ixb'iseta tu'n yab'il, owtlo kyima kyuk'ix qe t-xjalila

tzul t-sama'n Qmane jun yab'il kyuwxix kyib'aj qe taluna ate' tuj kojb'il, qe tcheja, qe tburra, qe tcheja camey, qe twakẍa, qe t-ẍne'la ex qe tchipa. Atzun qe kyalun aj Israel che elel tpa'n Qmane kyi'j qe kyalun aj Egipto, ex mi jun kyalun aj Israel kymel, chikuya te.

B'intza, tloqju nchi'j ktzajel nchitune saqb'aqun alxix wen, aju b'ajx tzaj jun maj ikju atxix tuj q'ij tkub'len xe't tnam lu, ex matzun ja'lo. Samanxtzuna xjal tu'n kytzaj chmet qe taluna ex tkyaqilju at teya tuj kojb'il. Qatzun mi'n ma che b'aj tchmo'na tu'n kyul tjaya, che kymel tu'n saqb'aqun kb'el tz'aq kyib'aj tuj kojb'il, qa xjal ex qa alumaj, chi Qmane, chikuya te Faraón.

K'okel tza'j lu te puj tib'aj tkyaqil tx'otx' Egipto; ex tu'nju puj lu, tzul jlet tx'a'k kyi'j xjal ex kyi'j alumaj tuj tkyaqil tx'otx' Egipto, chi Qman. Jawtzun kyjato'n tza'j ttzi jorni, ex e pon twitz Faraón. Jax tchitun Moisés tza'j twitz kya'j, ex jawil jlet tx'a'k kyi'j xjal ex kyi'j alumaj.