Popular Bible Verses from Éxodo 23

Share

Che k'ulune weye, aqine Kymane ex Kydiose, ex ktzajeltzun nq'o'ne kywaye ex kyk'a'ye a', ex k'elel wi'ne yab'il kyi'je. Mi jun xu'j ktel kyxole mib'an alin ex mi jun noq kukx k'elel tal. Mlay che kyime qa na'nxtoq kytijine.

Kyb'intze, kxel nsama'ne n-anjele tu'n tkub' nej kywitze, tu'n kyok kwentine tu'n tuj b'e, ex tu'n kyxi q'i'ne tu'n tuj tx'otx' b'animaj wu'ne te kyeye.

Qa axix tok ma txi kyb'i'ne tyol ex qa ma kyb'inchaye tkyaqilju in xi nma'ne kyeye, chin okeltzune aj q'oj kyi'j qe aj q'oj kyi'je, ex che b'ajel nyajla'ne qeju che yajlalte kyeye.

Mi'n che ok lpe'ye ti'j tnimal xjal tu'n kyb'inchanteye aju mya b'a'n. Ok kyokxe kywitz jwes te testiw, mi'n txi kyq'o'ne kywi'ye kyi'j tnimal xjal tu'n tb'ant aju mya tuj tumel, ax ikx mi'n che koline kyi'j qe meb'a xjal qa at kyil.

Mi'n txi kyq'o'ne jun tqanil mya ax tok. Mi'n tz'ok kyq'on kyib'e te tuk'il jun xjal b'inchal mya b'a'n, tu'n kyoke te testiw ti'j ju mya ax tok.