Popular Bible Verses from Daniel 6

Share

Tejtzun tb'inte Daniel qa otoq tz'ok tb'i rey ti'j ley lu, aj tja ex okx tjaqo'n tventan tja tumlal tnam Jerusalén, ex ox maj junjun q'ij in kub' ẍmeje' na'l Dios ex in tq'o'n chjonte te, ik tza'nx in b'ant tu'n nej.

Ma tzaj t-sama'n Ndiose t-anjel, ex ma lamet kytzi b'alun, tu'n mi'n nxi chyo'ne kyu'n, porke b'a'n tu'n Dios minti' wile twitz, ax ikx minti' jun wile ma nb'inchaye twitza, Tat Rey.

Aqine rey Darío in xi nq'o'ne jun ley tuj tkyaqil tx'otx' jatum in chin kawine, tu'n kynimane kykyaqile te Dios, aju Tdios Daniel, ex tu'n kyxob'e twitz. Porke atzun Dios itz', ex kukx tten te jumajx. Aju tkawb'il mlay naj ex aju tipumal minti' b'ajsb'il te. Ate Dios kolol kye xjal ex q'ol tzoqpib'l, ex in tb'incha'n qe b'inchb'en ma' kyxilen tza'nx tuj kya'j ax ikx twitz tx'otx'. A ma klonte Daniel tuj kytzi b'alun, chi rey tuj u'j.

Xitzun tma'n rey tu'n ttzaj q'i'n Daniel ex tu'n tku'x q'o'n tuj kyjul b'alun. Ex tej na'nxtoq tku'x q'o'n, xi tma'n rey te: —Awt ju Tdiosa, aju in ajb'ena te tkyaqil q'ij, klonte teya, chi rey.