Tzul tq'ijlalil kukxtoq kychmon xjal ti'j twitz triw ok tul kanun naj tyemp tu'n tjaw q'u't tx'otx', ex na'nxtoq tel b'aj yatz'o'n ta'l twitz uva otoq jaw chmo'n, ok tul naj tq'ijlalil tu'n tku'x awet triw. Kywi' qe nmaq witz ex kywi' qe tal witz ktel nim ta'l twitz uva. Che ajetz wi'ne qe aj Israel aqeju etzan wu'ne tuj tx'otx' jatum otoq che pon q'i'n; kjawil kyb'incha'n juntl maj qe kytanmi otoq che kub' xitj ex atzun che najal kyuj; kb'elex kyawa'n tqan uva ex che k'al ti'j ta'l twitz; kb'elex kyawa'n txqantl awal ex che lo'l ti'j twitz.