Popular Bible Verses from Hechos 9

Share

Xitzun tma'n Qajaw te Ananías: —Txi'ya, porke nmajene jlu sk'o'maj wu'ne tu'n t-xi tq'o'n tqanil wi'je kye txqantl xjal mya judiy qe, ex kye kyrey, ex kye aj Israel.

Kub'tzun tz'aq twitz tx'otx', ex o tb'i jun tq'ajq'ajel in tma'n: —Saulo, Saulo, ¿tiqu'n in chin kub' tyajla'na? Atzunte Saulo xi tma'n: —¿Alkyetzuna, Tat? Ex tzaj tma'n te: —Aqine Jesús aju in b'aj tyajla'na; [noq in b'aj tk'ixb'isan tib'a ik tza'n jun wakẍ nne'tz t-xajo'n puy.

Xi'tzun Ananías, ex okx tuja, kub'tzun tq'o'n tq'ab' tib'aj twi' Saulo, ex tma: —Erman Saulo, ma chin tzaj sama'ne tu'n Qajaw Jesús aju kub' tyek'un tib' twitza tuj b'e tej kyja'toq ttzaja; ma chin tzaj sama'ne tu'n tjaqet twitza ex tu'n tnoj tuj tanmiya tu'n Xewb'aj Xjan, chi Ananías. Ex jurat el tz'aq tmu'pil tb'aq' twitz Saulo, ex jaqet twitz; jawtzun we' ex o b'yan.