Popular Bible Verses from Efeesso 6

Share

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Gaaddi diho Waakh atin siiche tuumman gessada, ꞌdee ekkeysihi Seytaan ka mujjum tolola.

Maantaka gaaddi diho Waakh atin siiche tuumman gessada, ꞌdee maanti suujoon atin isoobaho ka jeyin tudduba. Toro la inkoo atin wahanyeyyoha yeesseen mujjum jeyin a tabuuꞌdiin.

Wihi addan la, kakhuufnaanki atin Waakh kakhuuftaan gaacchaankiin kayeelda. Gaacchaanka lahawti ꞌdab khabto Seytaanki uskeel leh atin kasoogangano atin kajeycha. Ribnaanki Waakh atin ribe la iꞌdi koofiyati gaꞌdaare matah walah atin kajeyissuu ichoow Yeedi Waakhe iꞌdi birlabi Rubeyti Munyee u khaata.

ꞌDeerka mujjum tolossada. Runti Waakh iꞌdi saab u dabar kahiida, wihi fissane atin kol dakkhan yeessaan la iꞌdi gaaddi kach atin jeyissuu gessada. Toro la mujjum tolossada, Wori Haaggane nebey lakeelo a iꞌdi kobohi atin gessatteene, diho itannabatteen.

Ayti ꞌdaꞌddaboot talla. Atin ichoow Kamur a wohoo kalday gone, taba miigtiisti weyti buure ka miigowa.

Amuri Waakh mehe yadeeh ya, “Aabbahaah ichoow abartaah inkaanyit.” Amuraas a ki oraate Waakh wohoo kaayyiche. Wihi us ayyiche la a mehe ya, “ꞌDee wihi tuummane atin isoobaho a wihi haaggane, toro harrata ka warwaara.”

Nyaakhut, jeenteti Kamur u, taba wihi ꞌdooꞌdi atin dele atin idowo raaha. A mehe iꞌdaas a iꞌdi mujjume.