Popular Bible Verses from Salmos 62

Share

Winicob x'ixicob, ñopola Dios ti pejtelel ora. C'ajtibenla Dios ti wocol t'an pejtel chuqui wola' ña'tan ti a pusic'al, come jiñʌch lac puts'ib.

Ti' ñʌch'tilel c pusic'al mi cʌq'uen c bʌ Dios, Come tilem ti Dios chuqui wolic pijtan.

Cojach ti Dios mic taj c xuc'tʌlel yic'ot j c'oc'lel. Jiñʌch c Xajlel, caj Coltaya. Ma'anic majqui mi mejlel i tic'lañon ya' ti' tojlel.

Ñʌch'ʌlon mi cʌq'uen c bʌ Dios. Jini jach Dios mic jac'ben. Tilem ti Dios j coltʌntel.

Cojach Dios xuc'ulʌch bajche' xajlel. Jiñʌch caj Coltaya. Jiñʌch chan bʌ ts'ajc yilal ba' mi cochel. Ma'anic majqui mi mejlel i tic'lañon ya'i.

Cʌyʌlon ti Dios cha'an mic taj j coltʌntel yic'ot c ñuclel. Lajalʌch Dios bajche' ch'entun ba' mic puts'el cha'an mij coltan c bʌ.