Popular Bible Verses from Numeros 14

Share

La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

C'ux mi' yubiñonla lac Yum. Mi caj i yʌq'ueñonla jini lum ba' yujil colel pejtelel pʌc'ʌbʌl. Jiñʌch wen bʌ lum ba'an cabʌl leche yic'ot chab.

Pero mi caj i q'uel jini lum jini c winic Caleb cha'an tsi' ñopoyon ti pejtelel i pusic'al. Xuc'ul i pusic'al quic'ot. Jini cha'an mi caj c pʌy ochel ti jini lum ya' ba' tsajni i q'uel. Ya' mi' cajelob ti chumtʌl i p'olbalob ti pejtelel ora.

Subeñob: “Cha'lenla bʌq'uen come cuxulon, che'en lac Yum. Che' lajal bajche' tsa' la' wʌc'ʌ la' t'an cha'an mi la' contrajiñon, che'ʌch mi caj contrajiñetla.

Lac Yum tsi' sube Moisés: ¿Jayp'ejl to ora mi caj i mich'leñoñob ili winicob? ¿Jayp'ejl to ora ma'anic mi caj i p'isob ti wenta jini ñuc tac bʌ c p'ʌtʌlel tsa' bʌ c pʌsbeyob?

Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Che' jini Josué i yalobil Nun, yic'ot Caleb i yalobil Jefone, jini tsajniyo' bʌ i q'uelob jini lum, tsi' tsiliyob i pislel cha'an i ch'ijiyemlel i pusic'al. Tsa' caji i subeñob pejtelel israelob: Uts'atax jini lum ba' tsajni j q'uel lojon. Cabʌl mi' yʌc' i wut pʌc'ʌbʌl.

A wujil cuxulon. But'ul pañimil tic ñuclel. Isujm jini c t'an. Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta. Anquese tsa cʌq'ueyob c t'an i ñojte'elob cha'an mi caj cʌq'ueñob i lum i p'olbal, ma'anic mi caj i wis q'uelob jini lum mi juntiquilic tsa' bʌ i ts'a'leyoñob.