Popular Bible Verses from Levitico 19

Share

Mach mi la' q'uextan jontolil. Mach mi la' mich'len la' pi'ʌlob. C'uxbinla, come la' Yumon.

Mach mi la' low la' bʌc'tal cha'an i ch'ijiyemlel la' pusic'al che' an majqui mi' chʌmel. Mach mi la' wotsan i marcajlel tac chuqui tac an ti pañimil ya' ti la' bʌc'tal, come la' Yumon.

Lac Yum tsi' cha' sube Moisés: Subeñob pejtelel israelob: Ch'ujul yom mi la' wajñel, come joñon ch'ujulon. Q'uelela ti ñuc la' tat la' ña'.

Mach yomic mi la' wulilan la' pi'ʌl ti la' pusic'al. Yom mi la' tic' jini mu' bʌ i cha'len mulil, ame mi la' taj la' mul la' wic'ot.

Mach majliquetla ba'an jini payxo x'alt'añob cha'an mi la' c'ajtiben i sujmlel chuqui tac mi' yujtel, come joñoñʌch la' Yumon la' Dioson.

Mach yomic mi la' joy ñumel ti u'yaj. Mach mi la' jop'ben i mul la' pi'ʌlob. Ña'tanla la' Yumon.