Popular Bible Verses from Isaias 12

Share

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Jini cha'an tijicña mi caj lac jac' la caj Coltaya cha'an mi lac taj lac wenlel ti' tojlel, che' bajche' mi lac luch ja' ti' loq'uib ja' che' tiquin lac ti'.

C'ʌyinla lac Yum, come wen ñuc i melbal. La' cʌjnic ti pejtelel pañimil.

Ti jim bʌ q'uin mi' caj la' wʌl: Wocolix i yʌlʌ lac Yum. Uts'atax i c'aba'. Suben winicob ti pejtelel pañimil cabʌl mi' c'uxbiñonla. Cabʌl jax i p'ʌtʌlel.

Ti jim bʌ ora mi caj a wʌl: C Yum, mic subeñet wocolix a wʌlʌ. Isujm tsa' cʌn mich'leyon, pero ti ili ora tsa'ix lajmiyet ti a mich'ajel. Tsa'ix a cha' ñuq'uesʌbeyon c pusic'al.

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.