Popular Bible Verses from Deuteronomio 7

Share

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul* bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

Pero cha'an jach tsi' c'uxbiyetla lac Yum tsi' yajcayetla cha'an mi' ts'ʌctesan i t'an tsa' bʌ i wʌn subeyob la' ñojte'el. Jini cha'an lac Yum tsi' c'ʌñʌ i p'ʌtʌlel cha'an mi' loc'sañetla baqui woliyetla ti majtan e'tel ti yambʌ ora ti' tojlel jini rey Faraón ti Egipto.

Come mach cha'anic ñumen cabʌletla tsi' cʌntayetla yic'ot tsi' yajcayetla. Come mero ts'ita'etla ti' tojlel yambʌ tejclumob.

Ñumen tijicñayetla bajche' pejtelel yan tac bʌ tejclum, come ma'anic ti' la' tojlel ch'iton mi xch'oc mach bʌ anic mi caj i yʌc' i yalobil. La' wʌlac' ja'el mi caj i yʌc' i yal.