Popular Bible Verses from Deuteronomio 4

Share

Pero ya' ba' pujquemetla ti yan tac bʌ lum mi tsa' caji la' sajcan lac Yum Dios, muq'uix cajel la' taj Dios mi tsa' la' sajca ti pejtelel la' pusic'al yic'ot ti pejtelel la' ña'tʌbal.

Come wen uts i pusic'al lac Yum Dios. Ma'anic mi' caj i cʌyetla ti pejtelel ora. Ma'anic mi caj i jisañetla. Mach ñajʌyic i cha'an ti pejtelel ora jini t'an tsa' bʌ i subeyob la' ñojte'elob.

Lajalʌch la' Yum Dios bajche' c'ajc yujil bʌ jisaya. Tsʌytsʌyña i pusic'al che' mi la' cʌy.

Chʌcʌ q'uele la' bʌ. Tsajin la' bʌ cha'an ma'anic mi' ñajʌyel la' cha'an chuqui tac tsa' la' q'uele. Mach yomic mi' yʌjñel la' pusic'al che' cuxulet tola. Yom mi la' cʌntesan la' walobilob yic'ot i yalobilob la' walobilob.

Jini cha'an yom mi la' wen ña'tan ti jump'ejl la' pusic'al. Lac Yum jiñʌch Dios ya' ti panchan yic'ot ila ti pañimil. Ma'anic yambʌ.

¿Am ba yambʌ dios yujil bʌ coltaya che' bajche' lac Yum Dios mu' bʌ i yubiñonla che' an chuqui mi laj c'ajtiben?

Che' ch'ijiyem la' pusic'al cha'an pejtelel jini wocol, mi caj la' cha' ña'tan lac Yum Dios. Mi caj la' ñich'tʌben i t'an.

Tsa'ix cʌq'ueyetla mandar. Mach yomic mi la' wotsan yambʌ. Mach yomic mi la' t'ox jisan. Ch'oyol ti lac Yum Dios jini mu' bʌ c subeñetla. Wersa yom mi la' jac' ti ts'ʌcʌl.