Popular Bible Verses from Uro 8

Share

Te baŋ ka yɛlɛ zaa maŋ laŋ tonɔ la a waana ne yelsoŋ a ko banaŋ naŋ nɔŋ Naaŋmen, a banaŋ O naŋ boɔle O poboɔbo zuiŋ.

Bonso, N baŋ taɛ la ka kũũ bee nyɔvore, bee malekere, bee namine, bee boma naŋ bebe a zenɛ, bee boma naŋ na wa, bee kpeɛ̃õ deme, bee boma naŋ do saa, bee zizuluŋ, bee bon-iraa zaa kontoɔ̃ wɛle te yi a Naaŋmen nɔmmo na naŋ be a Kirista Yeezu te Daana eŋɛ.

A lɛ ne o zu la ka a Vooroŋ Soŋ soŋnɔ te a te bambaaloŋ poɔ; bonso, te ba baŋ lɛ a naŋ seŋ ka te maŋ puori, kyɛ a Vooroŋ Soŋ ne O zu la maŋ puoro korɔ te ne hiinuu ka noɔre yelbie koŋ baŋ manne.

Boŋ ka te pãã na yeli kyaare ne a yɛlɛ ama? Ka Naaŋmen wa are ko te, aŋ la na baŋ zɔɔ ne te?

Ŋaa, saanaa zaa ba la kyebe a ko banaŋ naŋ be a Kirista Yeezu poɔ.

Neɛ naŋ de o teɛroŋ zaa eŋ nensaaloŋ eŋɛ na kpi la; kyɛ neɛ naŋ de o teɛroŋ zaa eŋ a Vooroŋ Soŋ eŋɛ na taa la nyɔvore ane emmaaroŋ.

Ai, a ama zaa poɔ, te gaŋ la zɔɔtoɔ̃neba a yi a soba na naŋ nɔŋ te zie.

N nyɛɛ la ka a dɔgɛɛ te naŋ nyɛrɛ pampana ŋa koŋ baŋ manne ne a puubu na ba naŋ na wa iri wuli te.

Aŋ la na wɛle te yi a Kirista nɔmmo poɔ? Yeltuo la be, bee woore, bee dɔgroŋ, bee kɔŋkpoŋ, bee eŋkpoŋkpoli, bee kũũ yeli, bee zɔɔzɔɔ-soɔ?

Kyɛ Naaŋmen naŋ maŋ nyɛrɛ nensaalba sukyie poɔ, baŋ la a Vooroŋ Soŋ poteɛrɛ, bonso, a Vooroŋ Soŋ maŋ puoro korɔ la a nensonne a seŋ a Naaŋmen poboɔbo.

Bonso, banaŋ zaa a Naaŋmen Vooroŋ naŋ de ba weɛ ka ba tuuro waa la a Naaŋmen biiri.

Bonso, banaŋ naŋ taa ba nyɔvoɛ a tuuro nensaaloŋ eŋɛ, maŋ de la ba yɛŋ zaa eŋ nensaaloŋ boma eŋɛ, kyɛ banaŋ naŋ taa ba nyɔvoɛ a seŋ lɛ a Vooroŋ Soŋ naŋ boɔrɔ maŋ de la ba yɛŋ zaa eŋ a Vooroŋ Soŋ boma eŋɛ.

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

A Vooroŋ Soŋ na ne O zu la dire danseɛ ne te vooroŋ ka te waa la Naaŋmen biiri, ka tenee wa waa biiri, ka lɛ te waa la gbandiribe, a waa Naaŋmen gbandiribe, ka te ne a Kirista laŋ gbandiruŋ. Serɛzaa, ka te ne a Kirista wa laŋ woŋ tuo, te ne O na la laŋ nyɛ la puubu.

A ŋaa zuiŋ, neɛ naŋ de o teɛroŋ zaa eŋ eŋgannoŋ eŋɛ kyiire la Naaŋmen, a ba sigre o meŋɛ a na sagra a Naaŋmen bege; serɛzaa o kontoɔ̃.

Bonso, a Naaŋmen bon-iri zaa kyɛllɛ ne la eŋkyere a bebiri na daare ba naŋ na iri a Naaŋmen biiri wuli

Te baŋ ka, a wa ta zenɛ, a Naaŋmen bon-iri zaa kono hiine la aŋa pɔge poɔ naŋ beɛrɛ bidɔge poɔ