Popular Bible Verses from Uro 2

Share

Neɛ na zaa fo naŋ waa, fo teɛre ka ka fooŋ wa di banaŋ naŋ erɛ a yɛlɛ ama sɛrɛɛ, kyɛ ka fo meŋɛ meŋ erɛ a, fo na toɔ̃ zo yi la Naaŋmen sɛrɛɛdiibu poɔ be? Bee a Naaŋmen nimimaaroŋ kpoŋ ane O meŋɛ bantaabo ne O kannyiri la ka yɛ ba de ka a waa bonzaa? Yɛ ba baŋ ka Naaŋmen nimimaaroŋ bebe la ka ka yɛ leɛ yɛ eebo be?

Azuiŋ, neɛ na zaa fo naŋ waa, fo ba taa gaafara zaa na tere, ka fooŋ wa dire fo taaba sɛrɛɛ. Bonso, ka fooŋ wa dire fo tɔsoba sɛrɛɛ a yeli ka o lee la, fo meŋɛ meŋ lee la, bonso, fooŋ a sɛredire meŋ erɛ la a yɛlɛ na ne a zu.

Bonso, Naaŋmen ba erɛ nɔmboore.

Bonso, a ba e a banaŋ naŋ wono a bege la waa nemmenne Naaŋmen zie, kyɛ banaŋ naŋ tuuro bonna a bege naŋ wullo la na e nemmenne.

Bonso, Naaŋmen na yɔɔ la neɛzaa seŋ o meŋɛ yel-erre naŋ waa lɛ

kyɛ banaŋ naŋ boɔrɔ bamenne yɛlɛ, a ba sagra a yelmeŋɛ kyɛ erɛ potuyɛlɛ na nyɛ la supuriyaaraa ane sutoloŋ.

Kyɛ a yɛ sukyie naŋ dare, ka yɛ zagre ka yɛ leɛ yɛ eebo zuiŋ, yɛ nara binne la yɛmenne supuriyaaraa a kyɛllɛ ne a supuriyaaraa bebiri, a daare na Naaŋmen mennoŋ sɛrɛɛdiibu naŋ na wa.