Popular Bible Verses from Uro 12

Share

Yɛ ta tuuro a teŋɛzu yeltuuri, kyɛ yɛ leɛ yɛ eebo a yi a yɛmpaalaa yɛ naŋ nyɛ yi Naaŋmen zie, ka yɛ na toɔ̃ baŋ bon naŋ e Naaŋmen poboɔbo; bon naŋ soma a seŋ ne deebo kyɛ ba taa faaloŋ zaa.

Azuiŋ n yɔɔmine ane n yɔɔpuuli, N sɔrɔ yɛ la ne a Naaŋmen nyonono zoobu, ka yɛ de yɛ enne ka a e kyɔɔta-voɛ, naŋ waa soŋ, ka Naaŋmen na sage de. A ŋaa la a yɛ seeloŋ poɔ Naaŋmen puoruu.

Yɛ kyellɛ ne teɛretɔroo, a taa kannyiri yɛ dɔgɛɛ diibu poɔ, kyɛ kpimare puoro tegitegilɛ.

Yɛ ta vɛŋ ka faaloŋ toɔ̃ yɛ, kyɛ yɛ de yelsoŋ toɔ̃ ne faaloŋ.

yɛ nɔnɔ taa ne yɔɔloŋ nɔmmo; yɛ vɛŋ ka yɛ kanzaa noba emmo maŋ zuo o tɔsoba deni.

Yɛ vɛŋ ka yɛ nɔmmo waa meŋɛ; yɛ kyiiri faaloŋ, kyɛ kpimare bon naŋ soma eŋɛ

Ka anaŋ na toɔ̃ nyɛ eebo yɛ zie, yɛ taa emmaaroŋ ne a noba zaa.

N poyɛŋ noba, yɛ daŋ ta wa derɛ yɛmenne zɔɔre a zɔɔrɔ, kyɛ yɛ maŋ bare vuo ko a Naaŋmen supuriyaaraa; bonso, ba sɛgɛɛ la, “Maa la so san-yaabo, N na yaa la a sane, a Daana la yeli.”

Yɛ vɛŋ ka yɛ enne kyerɛ ne a toma; yɛ taa nimizeɛ ne a seeloŋ poɔ yɛlɛ, a tonɔ a Daana toma.

A yi a garaaseɛ ba naŋ ko ma zuiŋ, N yele korɔ la neɛzaa naŋ be yɛ poɔ, ka o ta teɛre ka o meŋɛ do gaŋ la lɛ a naŋ da seŋ ka o teɛre. Kyɛ yɛ kanzaa maŋ sigre o meŋɛ kyɛ di o meŋɛ sɛrɛɛ a seŋ lɛ Naaŋmen naŋ ko yɛ yeni yeni zaa yeldeebo a seŋ lɛ.

Yɛ ta de faaloŋ yɔɔ ne neɛzaa naŋ e yɛ faaloŋ; kyɛ yɛ maŋ moɔrɔ ka yɛ erɛ yɛlɛ naŋ soma noba zaa zie.

Yɛ taa noɔre yeni ne taa, a ta erɛ pɔloo, kyɛ laŋna ne banaŋ naŋ ba e yuori noba, a ta wullo ka yɛ baŋ la yɛŋ zuo lɛ yɛ naŋ baŋ.

Ai, “Ka kɔŋ wa kpɛ fo dɔndɔnne, ko ba bondirii ka ba di; ka kɔŋnyuuri wa kpɛ ba, ko ba koɔ̃ ka ba nyu. Bonso, ka fooŋ wa erɛ a lɛ, fo na gbɔgrɔ la vũũsaalbie dɔglɔ ba zuriŋ.”

Yɛ maala banaŋ naŋ dɔgrɔ yɛ, yɛ maala ba kyɛ ta kaara eŋnɛ ba. Yɛ laŋ kyellɛ ne banaŋ naŋ kyellɛ, a laŋ kono ne banaŋ naŋ kono.

Yɛ maŋ kyeɛre boma soŋ ne a nensonne a naŋ wono; a derɛ saama, saanoŋ.

Aŋa enda-yeni naŋ maŋ taa nandaare yaga lɛ, kyɛ a nandaare zaa naane maŋ tonɔ toŋ yeni. Azuiŋ, a tenee naŋ waa yaga, waa la enda-yeni a Kirista eŋɛ, ka a te yeni yeni zaa lantaa waa taa noba.