Popular Bible Verses from Romnima 4

Share

O daa bi biɛhim Naawuni daalikauli hal baabiɛla. O ni daa kul tibigiri Naawuni maa puuni ka o yɛda daa kul niŋdi kpiɔŋ pahira, dama o daa niŋ yɛda ka biɛhiŋ kani ni Naawuni ni tooi niŋ o ni daa lo o alikauli ni o ni niŋ shɛl’ la.

Di bemi kaman di ni sab’ shɛm la ni Naawuni yɛliya, “N ni zaŋ a leei zuliya pam yaba.” Dinzuɣu alikauli maa nyɛla din kul ʒiɛya ti yab’ Ibrahimma ni daa niŋ Naawuni so yɛda maa sani. Ŋuna n-nyɛ ŋun neeri kpiimba kum ni, ka chɛ ka binshɛŋa din kani be.

Ŋun’ Yisa n-daa kpi ti daalahichi zuɣu ka lan neei kum ni ni di chɛ ka ti yi taali ni Naawuni sani.

Ti yab’ Ibrahimma daa niŋ yɛda ka mali tahima saha shɛli di ni daa to ni o niŋ tahima ni o ni leei zuliya pam yaba kaman Naawuni ni daa lo o alikauli yɛli, “A zuliya ni ti galisi pam la.”

Alikauli maa lɔbu yila yɛda niŋbu ni na ni di chɛ ka alikauli maa tam Naawuni daalibarika zuɣu n-leei ti yab’ Ibrahimma yaansi zaa dini; ka di pala bɛn doli Naawuni fukumsi zaligu kɔŋko dini, amaa di nyɛla bɛn niŋ yɛda kaman ti yab’ Ibrahimma ni daa niŋ yɛda shɛm la gba dini, dama Ibrahimma n-nyɛ ti zaa ha yaba.

“Naawuni ni chɛ ninvuɣ’ shɛb’ tuumbiɛri taali paŋ ba min’ o ni kpihim shɛb’ daalahichi mal’ alibarika. Ti Duuma ni chɛ ninvuɣ’ so daalahichi taali paŋ o ka bi lan maani di laasabu mal’ alibarika.”

Wula ka Naawuni Kundi lee yɛli? Di yɛliya, “Ibrahimma daa niŋ Naawuni yɛda, ka Naawuni daa lih’ o niŋsim maa ka di nyɛla wuntia.”