Popular Bible Verses from Romnima 14

Share

Dama Naawuni nam pala bindira mini binnyura yɛla, amaa di nyɛla wuntia mini suhudoo ni suhupiɛlli yɛla Naawuni Shia Kasi zuɣu. Ka Naawuni nini ni tiɣi ŋun jɛmdi Masia lala, ka ninsalinim’ gba ni di o shɛhira suŋ.

Ti yi be, ti Duuma zuɣu ka ti be; ka ti yi kpi, ti Duuma zuɣu ka ti kpi; dinzuɣu ti yi bemi bee ti yi kpimi, ti Duuma n-su ti.

Dinzuɣu chɛliya ka ti doli din ni chɛ ka naŋgban’ yini be ti sunsuuni mini din ni kpaŋsi tab’ suhuri.

Dinzuɣu di chɛliya ka ti lan tiri ti tab’ zalige, yi mi di chɛliya ka ti tum din ni gu ti kpee soli bee n-chɛ ka o tuui lu.

kaman di ni sab’ shɛm la: Ti Duuma yɛliya, “N ni be ŋɔ zuɣu, sokam ni ti gbani n tooni, ka sokam ti yaag’ o noli m-paɣi man’ Naawuni.” Dinzuɣu ti zaa ni ti kahigi ti tuma ni nyɛ shɛm wuhi Naawuni.

Deemiya ninvuɣ’ so ŋun yɛda bi kpɛm’ Naawuni dolibu ni, amaa ka di niŋy’ o naŋgbankpeeni o ni chihiri shɛli zuɣu.

Ka ŋuni n-lee nyɛ a ka a tiri ninvuɣ’ so dabili zalige? O zanibu bee o lubu nyɛla o duuma yɛla. Ka o shiri ni zani, dama ti Duuma Naawuni ni tooi chɛ ka o zani.