Popular Bible Verses from Kahigibu 9

Share

Ka ninvuɣ’ shɛb’ bɛn daa kpalim ka alɔbo balibu maa bi ku ba daa zaɣisi tuuba niŋbu zaŋ chaŋ bɛ ni zaŋ bɛ nuhi m-mali bin’ biɛ’ shɛŋa mini bɛ ni jɛmdi alizinnim’ la polo. Ka bɛ daa lan zaɣisi tuuba niŋbu zaŋ chaŋ bɛ ni daa zaŋ salima mini anzinfa ni daanya ni kuɣa ni dari mali buɣa bɛn ku tooi nya bee n-wum bee n-chaŋ la polo. Bɛ mi daa bi niŋ tuuba bɛ ninvuɣ’ kubo bee bɛ baɣibuɣibo bee bɛ zina niŋbu bee bɛ tayiɣisigu zuɣu.

Ka toli daa yi nyɔhi maa ni lu tiŋgban’ ni na, ka Naawuni daa zaŋ nɔnsi yiko tatabo ti ba, ka yɛli ba ni bɛ di ŋubi mɔri bee bimbilli kam bee tihi vari, amaa ni bɛ nahimmila ninvuɣ’ shɛb’ bɛn ka Naawuni bintabinda la bɛ gbiɛri zuɣu la.

Ka malaika ŋun pah’ anu daa piɛb’ o kikaa, ka n nya saŋmar’ so ŋun daa yi zuɣusaa lu dunia ni na la, ka Naawuni daa chɛ ka bɛ zaŋ bɔɣ’ shɛli din ziliŋ ka tariga saafɛbia ti o.

Ka o daa bahi ba noli ni bɛ di ku ba, amaa ni bɛ nahimmi ba mi chira anu, ka bɛ mi yi dim nira, di biɛrim ŋmanila nɔŋ’ dimbu biɛrim.

Bɛ naa daa nyɛla bɔɣ’ zilinli din ziliŋ ka tariga la malaika ŋun Hiburu yuli booni Abadɔn, ka o Giriiki yuli mi booni Apoliɔn la. Di gbinni nyɛla, “Saɣinda.”