Popular Bible Verses from Kahigibu 2

Share

Amaa yɛl’ yini zuɣu ka n naɣ’ galim ya: Yi bahi yi tuuli yurilim la.

Kpahimmiya m-baŋ yi galimi ni yi shɛl’ na, ka niŋ tuuba n-lan lab’ yi tuuli yurilim la ni yaha. Di yi pa lala n ni kana nti kpuɣi yi firilatamdigu la di zaashee.

Di zɔriya yi ni yɛn nya nahiŋgu shɛli. Nyamiya, Sintani ni ti kpɛhi yi ni shɛb’ sarika n-zahim ya, ka yi ni nya nahiŋgu biɛɣ’ pia. Ka ŋun ʒe yim hal ti paai kum, n ni ti o nyɛvili nam zuɣupiligu.

“Ŋun mali tibili, ŋun’ wummi Naawuni Shia Kasi ni yɛli cheechinim’ shɛm! “Ŋun di nasara, n ni ti chɛ ka o di nyɛvili ti’ shɛli din be Naawuni yil’ la wala.

M mi yi tuma ni nyɛ shɛm, ka mi yi ni nahindi shɛm yɛla mini yi daania niŋbu ni yi ni je tuumbiɛrinim’ shɛm yɛla. N lan mi yi ni kpahim ninvuɣ’ shɛb’ bɛn zaŋ bɛmaŋa m-boli Yisa tuumba, amaa ka pa o tuumba la ni yi ni nya ka bɛ nyɛla ʒirinim’ la.

M mi ni yi niŋ ania n-saɣi nahiŋgu n yuli zuɣu, ka na bi tiri gbini.

“Ŋun mali tibili, ŋun’ wummi Naawuni Shia Kasi ni yɛli cheechinim’ shɛm! “Ŋun di nasara, n ni chɛ ka o di bindir’ sɔɣira la shɛli, ka lan zaŋ kuɣ’ piɛlli ti o, ka yu’ palli sabi pa di zuɣu; ka so ku baŋ yuli maa naɣila ŋun dee’ li maa kɔŋko.”