Popular Bible Verses from Filipainima 2

Share

Di niŋya binshɛli nyuli zabbu tɛha puuni bee m-bɔri ni yi doli alaha soli nyu bara; amaa siɣisimiya yimaŋa yi tab’ sani ka miriya ka yi tɛhiri ni yi so yi taba. Chɛliya ka yi baɣa be yi taba yɛla ni kaman di ni be yimaŋmaŋ’ yɛla ni shɛm.

Chɛliya ka yi tɛha be kaman tɛhi’ shɛli din be Masia ni la

O kul malila Naawuni biɛhigu sahakam, amaa o daa bi tɛhi ni di simdi ni o duh’ omaŋa n-wuhi ni o mini Naawuni saɣiya. Omaŋmaŋ’ yubu puuni ka o daa chɛ di zaa, ka zaŋ omaŋa leei dabili. Ka daa leei daadam m-mali daadam niŋgbuŋ biɛhigu. Ka daa siɣis’ omaŋ’ doli nɔdeebo soli ti paai kum, hal kum din nyɛ dapulli zuɣu kum gba.

dama Naawuni n-nyɛ ŋun kul tumdi lala yi ni ni o chɛ ka yi saɣ’ o yubu, ka tin ya yiko ka yi tooi tum o ni yu shɛm.

Dinzuɣu ka Naawuni daa duh’ o pam zaŋ o ʒili jilima ʒiishee, ka ti o yuli din tibisi gari yuli kam. Ka Naawuni ni ti Yisa jilima yu’ shɛli maa zuɣu la ni chɛ ka sokam bɛn be alizanda ni mini bɛn be dunia ŋɔ ni ni bɛn be tiŋgbani puuni ha ni ti gbani o tooni. Ka sokam zaa ti yaag’ o noli yɛli ni Yisa Masia nyɛla Duuma, ka di chɛ ka o Ba Naawuni nya jilima.

Niŋmiya binshɛɣukam ka kparima ni ŋumbu bee naŋgbankpeeni ŋmɛbu kani, ka di chɛ ka yi ku mali taali, ka naɣ’ ni bela kasi, ka nyɛ Naawuni bihi bɛn be tibi m-be ʒiɛmaan’ biɛɣunim’ mini ʒiɛman’ golimanim’ sunsuuni ŋɔ. Di simdi ni yi be bɛ sunsuuni dunia ŋɔ ni n-ne kaman saŋmarisi ni ne shɛm la

Dinzuɣu m mabiyurisi, n ni daa be yi sani ka yi deeri n noli shɛm la, hal n ni ka yi sani pumpɔŋɔ ŋɔ, di niŋ kamaata ni yi na kul deeri n noli lala. Kul tummiya ni dabiɛm zɔbu mini ni sɔhibu nti nya yi tiliginsim tuma naabu