Popular Bible Verses from Yibu 9

Share

Amaa daliri shɛli zuɣu n ni chɛ a maa nyɛla m bɔrimi ni n wuh’ a n yiko ni nyɛ shɛm din ni chɛ ka n yuli moli gili dunia ni zaa.

Di saha ka Yawɛ daa yɛli Musa, “Cham’ Firawuna sani ti yɛl’ o, Yawɛ ŋun nyɛ Hiburunim’ Naawuni ŋɔ yɛliya, ‘Chɛ ka n niriba Izraɛlnim’ maa chaŋ ti jɛm ma.

Dama pumpɔŋɔ ŋɔ n ni teei n nuu chɛ ka alɔbo lu a min’ a niriba zaa zuɣu n-naai yi balibu zaa dunia ŋɔ ni.

man’ Yawɛ ni darig’ a tibili n-chɛ ka alɔbo titali lu a biŋkɔbiri bɛn be mɔɣu ni min’ a yuri ni a bunsi ni laakuma ni a niɣi ni a biŋkɔbbaligu zaa zuɣu. Amaa n ni ti woligi Izraɛlnim’ bɛn’ biŋkɔbiri ka chɛ Ijiptinim’ biŋkɔbiri, ka Izraɛlnim’ maa bɛn’ so biŋkɔbigu ti ku kpi.’ ”

Biɛɣuni ŋ-ŋɔ tasaha n sa ni chɛ ka sakuɣ’ kara luna, ka sakuɣa lala na ʒi n-lu Ijipti tiŋgbɔŋ ni di piligu ni hal ni zuŋɔ. Dinzuɣu pumpɔŋɔ taɣimiya yi biŋkɔbiri, ka zaŋ yi binshɛɣukam zaa din be mɔɣu ni kulisi yiŋa, dama daadam bee biŋkɔbigu ŋun be mɔɣu ni ka bi kuli yiŋa, sakuɣa maa ni lu n-ku ba.’ ”

ka di be kaman taŋkpa’ balli Ijipti tiŋgbɔŋ maa zaa ni n-chɛ ka bintɔra din puhigiri niŋdi yuma tɔri ninsalinim’ mini biŋkɔbiri zaa Ijipti tiŋgbɔŋ maa ni luɣilikam zaa.” Di saha ka bɛ daa tooi daaŋa ni tampiligim chaŋ ti zani Firawuna tooni, ka Musa daa zaŋ li bahi zuɣusaa, ka di leei bintɔra din puhigiri niŋdi yuma, ka di daa tɔri ninsalinim’ mini biŋkɔbiri.