Popular Bible Verses from Yibu 7

Share

Ka Yawɛ daa yɛli Musa, “Nyama n yɛn chɛmi ka a be kaman Naawuni la Firawuna sani, ka chɛ ka a mabia Aduna mi nyɛ a daanabi.

Amaa n ni ti chɛ ka Firawuna niŋ tipawumli n-zaɣisi yi yɛligu maa wumbu, hal n ni ti yɛn tum alahiziba shɛŋa Ijipti tiŋgbɔŋ ni maa zaa yoli. Firawuna yi ti zaɣisi ni o ku wum yi yɛligu maa, di saha ka n ni ti darigi Ijiptinim’ maa tibili, ka tum tuun’ kara pam yihi n niriba Izraɛlnim’ maa zaa Ijipti tiŋgbɔŋ maa ni gbilligbilli.

N yi ti teei n nuu darigi Ijiptinim’ maa tibili ka yihi Izraɛlnim’ maa Ijipti tiŋgbɔŋ maa ni, di saha ka Ijiptinim’ ni baŋ ni mani n-nyɛ Yawɛ.”

Di saha ka Firawuna daa boli Ijipti baŋdiba mini bukpahinim’ bɛn nyɛ timanim’ na, ka bɛ gba daa ti tum bɛ tabibi tuma niŋ lala. Bɛ gba daa zaŋla bɛ jaaŋgbɛhi bahi tiŋa, ka di leei waɣiri. Amaa ka Aduna jaaŋgbee maa daa zaŋ bɛ jaaŋgbɛhi maa vali.

Dinzuɣu Yawɛ yɛliya, ‘Nyama, n yɛn zaŋla n jaaŋgbee din be n nuu ni ŋɔ fiɛbi ko’ shɛli din be Nail Mɔɣili ŋɔ ni ŋɔ ka di leei ʒim, ka a baŋ ni mani n-nyɛ Yawɛ

“Firawuna yi ti yɛli ya ni yi tummi alahiziba tuuni din wuhiri ni mani n-shiri tim ya na, nyin’ yɛlim’ Aduna ni o zaŋm’ o jaaŋgbee bahi tiŋa Firawuna tooni ka di leei wahu.” Di saha ka Musa mini Aduna daa chaŋ Firawuna sani nti niŋ kaman Yawɛ ni daa zali ba ni bɛ niŋ shɛm maa, ka Aduna daa zaŋ o jaaŋgbee maa bahi Firawuna min’ o kpamba tooni, ka di leei wahu.