Popular Bible Verses from 2 Tɛsalɔnaikanima 2

Share

Di chɛliya ka so yɔhim ya baabiɛla, dama di dabisili maa ku kana faashee Naawuni zaɣisibu din bahindi nyaaŋa la ti niŋ, ka Zaliguzaɣisir’ so Naawuni ni pun lo ni o bah’ o yol’ la gba ti yi zahira.

Ti mabihi bɛn nyɛ ti Duuma ni yuri shɛb’ la, di kpala talahi ni ti kul paɣiri Naawuni yi zuɣu sahakam, dama piligu ni ha ka Naawuni daa zali ya ni yi nya tiliginsim, yi ni niŋ yɛlimaŋli la yɛda ka Naawuni Shia Kasi mali ya ka yi be kasi la zuɣu.

O ni ti zaɣisi binshɛɣukam ninsalinim’ ni jɛmdi mini ninsalinim’ ni lihi so Naawuni la; o ni ti duh’ omaŋ’ gari dimbɔŋɔnim’ zaa ha; hal o ni ti kpe Naawuni jɛmbu duu ti ʒini, ka yɛri ni o nyɛla Naawuni.

Ti suhiri ti Duuma Yisa Masia maŋmaŋa mini Naawuni ŋun nyɛ ti Ba ka yuri ti, ka nyɛ ŋun ti ti suhukpaŋsibo din ka bahigu mini tahima suŋ o daanfaani puuni la ni o kpaŋsi yi suhuri zaa, ka chɛ ka yi mali kpiɔŋ yi zaɣ’ suŋ kam tumbu mini yi yɛtɔɣ’ suŋ kam tɔɣisibu ni.

Daliri ŋɔ zuɣu ka Naawuni chɛ ka biriginsim yiko kpe bɛ ni birigi ba, ka bɛ doli ʒiri soli.

Zaliguzaɣisira maa ni ti yi zahira Sintani yiko ni, ka mali yiko pam din ni tum alahiziba tuma balibu kam ka wuhi shihira, ka tum alahiziba tumtumsa din nyɛ yɔhiŋgu. Ka o ni ti zaŋ yɔhiŋgu maa n-yɔhim ninvuɣ’ shɛb’ bɛn ti yɛn bahi yol’ la. Din chɛ ka bɛ ti yɛn bahi yoli maa nyɛla bɛ ni zaɣisi ni bɛ yu yɛlimaŋli ka tiligi la zuɣu.

Zaliguzaɣisibutali pun be di tuma tumbu ni, amaa din yɛn niŋ maa na ku niŋ faashee Naawuni ti vuui ŋun taɣi di niŋbu zali maa.