Popular Bible Verses from 1 Timoti 6

Share

Tuhimi yɛda tɔbu la tuhiri suŋ; gbib’ nyɛvili din ka bahigu shɛli zuɣu Naawuni ni daa bol’ a, ka a niŋ shɛhira suŋ ka kahigi di yɛla wuhi shɛhiranim’ pam san’ la.

Dama laɣiyubo nyɛla bin’ biɛɣukam nyaɣili; ka ninvuɣ’ shɛb’ bɛn suhuri daa kul ye liɣiri nyabu zuɣu la birigi ka chɛ yɛda niŋbu soli dolibu, ka suhugarigu balibu kam din be kaman piɛma la kuhi bɛ suhuri.

Wuntia soli dolibu shiri nyɛla azichi din galisi, nir’ ŋun’ dee nini yi tiɣi o ni mali shɛli

dama ti bi ʒi shɛli ka dunia ŋɔ ni na, ka di nyɛla yɛlimaŋli ni ti shiri ku tooi ʒi shɛli yi dunia ŋɔ ni gba.

Kpammi bɛn nyɛ dunia ŋɔ binyara bundaannim’ la jaande ni bɛ di mali karimbaani, ka mi di zaŋ bɛ tahima niŋ buni din nyɛ din kul ku be sahakam ŋɔ ni, amaa ni bɛ zaŋm’ bɛ tahima niŋla Naawuni ŋun tiri ti binshɛɣukam ni ti mali maani ti bukaata ŋɔ ni.

Ninvuɣ’ shɛb’ bɛn suhuri kul ye ni bɛ niŋ bundaannim’ zaŋ bɛmaŋ’ kpɛhi zahimbu ni ka jɛritali mini barina kɔre zana din saɣindi daadamnim’ ka bahiri ba yoli zaa kahikahi la gbahi ba.

Yɛlim’ ba ni bɛ tummi din viɛla, ka nyɛ bundaannim’ tuun’ suma tumbu ni; ka lan nyɛ bɛn tiri pini ni suhupiɛlli, ka yu ni bɛ zaŋ bɛ ni mali shɛli n-sɔŋdi bɛ taba. Bɛ yi niŋ lala, bɛ ni zaŋ bɛ daazichi maa zali tanza’ kpeeni n-gu dahin’ shɛli; ka di chɛ ka bɛ tooi vili n-gbib’ nyɛvili din nyɛ nyɛvili maŋli la.