Popular Bible Verses from 1 Kɔrintinima 6

Share

Yi bi mi ni yi niŋgbuna maa nyɛla Shia Kasi so Naawuni ni zaŋ tin ya ka o be yi ni la duu? Yi bi su yimaŋa. Naawuni dan ya la shaara pam; dinzuɣu timiya Naawuni jilima yi niŋgbuna maa ni.

Yi bi mi ni bɛn pa wuntizɔriba zaa ku kpe Naawuni nam ni? Di yɔhimya yimaŋa, dama bɛn tumdi daɣiri tuma mini buɣijɛmdiba ni zinaniŋdiba ni dɔbba bɛn gɔndi bɛ dɔtaba bee paɣiba bɛn gɔndi bɛ paɣitaba ni tayiɣisi ni kɔrɛnima ni danyuriba ni ninvuɣ’ turiba ni ninvuɣ’ fariba zaa ku kpe Naawuni nam ni.

Zomiya kɔr’ biɛri tuma! ŋun tumdi kɔr’ biɛri tuma tumdi li dalindirila omaŋmaŋ’ niŋgbuŋ, amaa ninsal’ ni tumd’ alahichi balibu shɛŋa zaa pahi pala din dalind’ o niŋgbuŋ.

So ni yɛli, “Binshɛɣukam zaa luhiya n sani.” Yɛlimaŋli, amaa pa binshɛɣukam zaa m-mali nir’ buchi. N gba ni tooi yɛli ni binshɛɣukam zaa luhiya n sani, amaa n ku saɣi chɛ ka di shɛli zaŋ ma leei di dabili.

Naawuni n-daa neei ti Duuma kum ni, ka ni ti neei ti gba kum ni o yiko ni.