Popular Bible Verses from 1 Kɔrintinima 11

Share

Bindirigu maa dibu nyaaŋa ka o daa zaŋ wain pipia ka yɛli, “Dimbɔŋɔ nyɛla Naawuni daalikauli palli n ʒim ni. Kul nyumiya li waawaayili teemi n yɛla.” Dinzuɣu yi yi kul ŋubiri bɔrɔbɔro ŋɔ ka nyuri pipia ŋɔ ni binnyurigu ŋɔ, yi wuhirila ti Duuma kum yɛla hal ni o ti labina.

N ni daa deei shɛli n Duuma san’ la, dina ka m mali wuhiri ya ŋɔ: Dahin shɛli yuŋ bɛ ni daa yi ti Duuma nyaaŋa la, ka o daa kpuɣi bɔrɔbɔro n-niŋ alibarika niŋ di ni, ka ŋmahiŋmahi li ka yɛli, “N niŋgbun shɛli n ni zaŋ pa talima yi zuɣu m-bala. Niŋmiya dimbɔŋɔ teemi n yɛla.”

Dinzuɣu chɛliya ka sokam zahim omaŋ’ pɔi ka naanyi ŋub’ bɔrɔbɔro ŋɔ ka nyu pipia ŋɔ ni binnyurigu ŋɔ. Dama ŋunkam zaa ŋubiri li ka nyuri li ka bi zahim baŋ ti Duuma niŋgbuŋ yɛla gbinni, o ŋubiri li ka nyuri li bɔrila tibidarigibo tir’ omaŋa.

Ka ŋunkam ŋubiri bɔrɔbɔro ŋɔ ka nyuri ti Duuma pipia ŋɔ ni binnyurigu ŋɔ ka bi doli so’ shɛli din tiri Naawuni jilima di ni, o ni mali taali zaŋ chaŋ ti Duuma niŋgbuŋ min’ o ʒim polo.

M biɛhigu ni be kaman Masia biɛhigu la zuɣu, chɛliya ka yi gba biɛhigu be kaman m biɛhigu.