Popular Bible Verses from Matiu 7

Share

Yisa daa lan yɛli ba yaha, “Suhimiya! Naawuni ni tin ya. Bomiya! Yi ni nya. Niŋmiya gaafara! Yi ni nya soli kpe.

Dama ŋunkam suhira, o deerimi; ka ŋunkam bɔra, o nyarimi; ka ŋunkam mi niŋdi gaafara, o nyarila soli kpɛra.

“Dinzuɣu ŋunkam wumdi n yɛligu ka dol’ li, n ni zaŋ o ŋ-ŋmahindila yɛndaan’ so ŋun daa me o yili tam tampiŋ zuɣu.

“Dinzuɣu yi ni bɔri ni niriba niŋdi ya shɛm, yi gba niŋmiya ba lala, dama Naawuni fukumsi zaligunim’ min’ anabinim’ yɛligu ni wuhiri shɛm m-bala.”

Ka so’ shɛli din kuni nyɛvili shee dolibu mi to, ka di dunoli nyɛ duno’ muɣiliŋga, ka niriba bɛn mi dol’ li bi yaɣ’ lala.”

“Doliya duno’ muɣiliŋga kpe, dama so’ shɛli din kuni bahi yoli shee dolibu be asama ka di dunoli yɛlima, ka niriba pam dol’ li.

Ka yinim’ bɛn nyɛ tuumbiɛrinim’ ŋɔ yi mi ni yi zaŋ bin’ suma ti yi bihi, bɔ n-ni chɛ ka yi Ba Naawuni ŋun be alizanda ni ŋɔ ŋun’ ku zaŋ bin’ suma ti bɛn suhir’ o li?

Yisa daa lan yɛli ba, “Di karitiya tab’ saria ka Naawuni ti ku kari yi gba saria; dama yi ni kariti tab’ saria shɛm, lala ka Naawuni ni ti kari yi gba saria, ka yi ni buɣisiri tiri yi tab’ shɛm, lala ka Naawuni ni ti buɣisi ti yi gba.”

“Ka ŋunkam mi wumdi n yɛligu ka bi dol’ li, n ni zaŋ o ŋ-ŋmahindila jɛr’ so ŋun daa me o yili zali bihigu ni.

Ka o daa bɔhi ba, “Bɔ n-niŋ ka a nya bimburiginli a mabia ninni, ka daantaliga lee sa amaŋmaŋ’ ninni ka a bi nya li? Bee wula ka a ni tooi yɛl’ a mabia ni o chɛ ka a yihi bimburigin’ shɛli din be o ninni ka daantaliga lee sa amaŋmaŋ’ ninni?

“Miriya anab’ ʒirinim’ bɛn kani yi sanna m-be kaman piɛri n-nyɛ ba, amaa ka lee nyɛ kunduna bɛ suhuri ni la. Bɛ wala ni ka yi ni baŋ ba. Yi na mi n-nya ka goo wali gaya bee ka pirinkpaŋ wali fiig tia wala?

Lala mi n-nyɛ li, ti’ suŋ kam wandila wal’ suma, ka ti’ biɛɣukam mi wandi wal’ biɛri.

Ti’ suŋ ku wali wal’ biɛri, ka ti’ biɛɣu mi ku wali wal’ suma.

Tia kam din bi wandi wal’ suma, bɛ ŋmari li mi luhi n-zaŋ nyo buɣim.