Popular Bible Verses from Yibu 32

Share

Niriba maa ni daa nya ka Musa yuui zoli maa zuɣu ka na bi siɣina maa, ka bɛ daa laɣim ka Aduna sanna ti yɛl’ o, “Yiɣisim’ mali buɣili ti ti ka o gari tooni n-zaŋ ti chaŋ, dama Musa ŋun daa zaŋ ti yi Ijipti tiŋgbɔŋ ni na maa ŋuna, ti bi mi din niŋ o.”

Ka Yawɛ daa yɛli Musa, “Siɣim’ yomyom, dama a ni daa zaŋ a ninvuɣ’ shɛb’ yi Ijipti tiŋgbɔŋ ni na maa saɣim bɛmaŋa. Bɛ pun chɛ n ni daa zali ba ni bɛ doli so’ shɛl’ la, ka malila naɣibila n-jɛmdi li, ka maani maligu tiri li, ka yɛli, ‘Izraɛlnima, yi buɣili ŋun daa yihi ya Ijipti tiŋgbɔŋ ni na la m-bɔŋɔ.’ ”

Aduna ni daa nya li ka o me maligu bimbini zali di gbini, ka moli molo yɛli, “Biɛɣuni ti sa yɛn puhila Yawɛ chuɣu.” Ka bɛ daa daŋ yiɣisibu asiba m-mali sara shɛli bɛ ni zaŋdi nyɔri buɣim la, ka daa zaŋ suhudoo sara maligu pina na; ka niriba maa daa ʒini tiŋa ni bɛ di ka nyu, ka yiɣisi diɛmdi kɔr’ biɛri mini vi diɛma.

Ka biɛɣu daa neei, ka Musa yɛli niriba maa, “Yi tum alahichi titali. Dinzuɣu pumpɔŋɔ, n ni chaŋ Yawɛ sani nti suh’ o, di pa shɛli o ni chɛ yi daalahichi maa.”