Popular Bible Verses from Daniɛl 9

Share

N daa suhi Yawɛ ŋun nyɛ n Naawuni ŋɔ n-kahigi ti daalahichi wuh’ o. N daa yɛlimi, “Yaa n Duuma Naawuni, nyini n-nyɛ ŋun galisi ka mali jilima. A ʒe a daalikauli nyaaŋa, ka yuri ninvuɣ’ shɛb’ bɛn yur’ a ka dol’ a zaligunima.

Yaa n Naawuni, luɣim’ a tiba wum ti suhigu ŋɔ, ka ŋmalig’ a nini n-lihi ti nya ti ni be muɣisigu shɛl’ ni, ka nya a yuli ni tab’ tin’ shɛl’ la ni diri wahala shɛm. A ni zɔri nambɔɣu la zuɣu ka ti suhir’ a, ka pa ni ti wuntitali zuɣu. Ti Duuma, deem’ ti suhigu ka chɛ m-paŋ ti. Ti Duuma, wummi ti suhigu maa ka niŋ ti ni bɔri shɛm maa. Ka di zuɣu chɛ ka sokam baŋ ni nyini n-shiri nyɛ Naawuni. Di chɛ ka di lan yuui! Tiŋ’ maa mini niriba maa nyɛla a dini.”

Ka n daa zaŋ n nina kpa n Duuma Naawuni ni nimmoo m-balim’ o ni nolɔbo, ka pili buɣu n-teei ʒi tampiligim ni.

A nyɛla nambɔzɔra ni ŋun chɛri taali paŋda, hal ti ni kul zaɣis’ a la zaa yoli.

Lala naa maa ni ti chɛ ka o mini niriba pam laɣim mali naŋgbanyini yuun’ muna ayopɔin puuni, amaa zaŋ chaŋ yum’ ayopɔin maa pirigili saha, o ni ti kari sara maligu malibu mini pina tibu, ka chɛ chihi’ biɛɣu din ni chɛ ka niriba zo nimaani zali di zaashee Naawuni jɛmbu duu. Ka di ni ʒe nimaani hal ti paai saha shɛli Naawuni ni ti yɛn bahi ŋun zal’ li maa yoli.”