Popular Bible Verses from Daniɛl 2

Share

“Naawuni simdi paɣibu hal ni saha din ka bahigu, ŋuna n-su yɛm mini yiko. Ŋuna n-lan su saha mini saha taɣibu; o vuuri nanima ka zaani nanima; ŋuna n-tiri yɛnnim’ yɛm, ka tiri baŋdiba baŋsim. Ŋuna n-kahigiri yɛl’ shɛŋa din baŋbu to min’ ashili yɛla wuhiri niriba; o mi din sɔɣi bumbɔn’ ni, neesim mi n-gil’ omaŋmaŋa.

Ka Daniɛl daa garigi yɛli naa maa, “Ashili shɛli nyin’ naa ni bɔri ni a baŋ maa, baŋdiba mini saŋmaribaŋdiba ni timanim’ ni laasabuniŋdiba ku tooi wuh’ a di gbinni. Amaa Naawuni so be alizanda ni ka nyɛ ŋun kahigiri ashiya gbinni wuhiri niriba. Dina n-chɛ ka o kahigi yɛl’ shɛŋa din ti yɛn niŋ dahin’ shɛli ha n-wuhi nyin’ Naa Nɛbukadnɛza. N ni yɛl’ a a zahindi maa min’ a ni daa nya ʒii shɛli a gom puuni maa.

Nanim’ ŋɔ ʒiɛmana maa ni, Naawuni ŋun be alizanda ni ŋɔ ni ti zali nam shɛli ka so ku tooi nyaŋ li. Ka nam maa mi ti ku looi ninvuɣ’ shɛb’ sani. Di ni ti wurimwurim nam shɛŋa din beni zaa, ka zani hal ni saha din ka bahigu.