Popular Bible Verses from Mə́líʼkus 2

Share

Yə́sus ayóób nkə kɛ́ɛg kɛ́ pɔɔd páyɛ́ɛ agosɔyɔ. Náa ɔnɔ́ na pɔ́lɛ́: «Pɔɔd pá pálɛɛ́ panasáŋ, fiɛ́d na mɔdɔdɔɔ, póʼkóodi njaan na uʼkóʼtonon. Pá pálɛɛ́ abany aa pálɛɛ́ na njaan na nyɔ́lɛ́. Mɛ, ntiimin a nsí yɛ́ɛnɛ a oʼto ó pá pálɛɛ́ afɛga lɛ́ pɔ́lɛ́ pálɛ sáád, ndóo. Mbíim a oʼto ó pá pámálɛ́ŋɛ́ɛ́ lɛ́ pɔ́lɛ́ pálɛ pɛɛlɛʼ mabɛ́.»

Ná Yə́sus yɛɛ́dála wɔnɔ́ ná pɔɔd póob páyáág oʼto na nyɔ́lɛ́, yɛɛ́dɛánɛ ɔnɔ́ na kɛgɔd kɛ́ɛg: «Mbóoó, mbə́gulísin mabɛ́ mááŋ áaá.»

Yə́sus yiísə́ə́ ɔnɔ́ na pɔ́lɛ́: «Táán ayáág kisúgiʼ lɛ́ ná mɔɔd yóoyig a wɔɔ́s wóow, adɛʼkáyaág kɛ́lɛ́ lɛ́ mɔɔd aa yɛ́ɛnɛɛ́ kɛɔ́lɛ́ kɛ́ kisúgiʼ.

Wɔnɔ́ ná kɛnɔ kɛ́yɛ́ɛ kɛgágáán na pɔɔd, pádɛʼkɔ́ɔgɔɔŋ ngə́ ɛgosɔd na kɛgɔd kɛ́ɛg a udi ó Yə́sus. Pɛ́ɛ́bág a kɛbon kɛ́ noádɛʼ, páágadɛd a kɛnɔ kɛ́ Yə́sus ayɛ́ɛ, pə́ə́suuli kɛgɔd kɛ́ɛg kɔ kɛɛ́mmɛ́ŋɛ́náán a pɛʼkwág.

Mɛ, ndɛ anyɔ́ŋɛn anɛ́ɛ́n lɛ́ pólɛŋ poɔʼkɔ́ mɛ Mɔɔ́n o mɔɔd ndɛ na toɛn tóonɛ lɛ́ ndísin mɔɔd mabɛ́ a nsí yɛ́ɛnɛ.» Aáság kaágasɛ ná kɛgɔd kɛ́ɛg kɛ́lɛɛ́, ɔnɔ́ na kɛ́lɛ́: «Mbóoó, mɛ mbágodɛánɛ! Tɛ́ɛ́mɛn aá, úsiəd pɛʼkwág pɛáŋ, wúúli a noádɛʼ noáŋ áaá!»

Na kodɛ́anɛ na kɛgɔd kɛ́ mɔɔd lɛ́: “Mbə́gulísin mabɛ́ mááŋ,” na komodɛ́anɛ lɛ́: “Tɛ́ɛ́mɛn, nyáŋɛn pɛʼkwág pɛáŋ, táŋána,” kɛ́yaán áa kɛ́lɛɛ́ kɛfɛ́fɛ́n lɛ́ mɔɔd ə́səə əə́?

Əgín tɛn ná yiísə́ə́ náan, kɛgɔd ŋwaád kɔ áay a əngis á pɔɔd, kɛányáŋɛn pɛʼkwág piə́ŋ əguúli a noádɛʼ nuə́ŋ. Ungim ayɛ́ɛ əgəə́wúnəni kɛ́fɔlɛ́, páagɛɛ́ʼkɛn nugəm na Táán pɔ́nɔ́: «Pɛ́go pɛ́go, tɛdɛ́ʼtála kɛbán kímmú wɔnɔ́ kɛ́ɛnɛ, kɛ́agaáyɛ́ɛlɛ!»