Popular Bible Verses from LÓʼKAS 7

Share

Kólɛ́ aa ndágodɛ́anɛ lɛ́ a ɛdám yə́ə́ŋ ɛ́ mabɛ́ yɛ́ Táán əmə́muúlísin aa alɛɛ́ əguloodi nnyɔ́ŋánán náan kɛ́fɔlɛ́. Kɔmɔɛ́d lɛ́, sɔ́g nyɔ́ pə́ə́lisin mabɛ́ sɔɔŋ, alɛ́ɛ́ kuloodi tɛn nnyɔ́ŋánán sɔɔŋ.» Náa Yə́sus ɔnɔ́ na ɔʼkɛ́ɛd nyóon: «Íyowó, mbə́gulísin mabɛ́ mááŋ áaá!»

Náa Yə́sus ɔnɔ́ na ɔʼkɛ́ɛd: «Áʼoó áaá! Wɛ́ɛn kɔŋɛʼ á! Omɔ́ɔy lɛ́ omáág oʼto.»

Yɛɛ́sán a ngim ɛ Yə́sus, əə́ləndin a ɛbá yɛ́ ambaan yə́ə́ŋ áyɛ́ɛ. Ɔʼkɛ́ɛd nyóon ayɛ́ɛ agolɛɛ, pɛlɛɛ píəsuulənən Yə́sus a ambaan, əə́ŋiənə na tuyə́ən tuə́ŋ, aánága ambaan á Yə́sus na unuʼ, əə́sumə́nə́n lamɛ́ndaʼ a yɛ́lɛ́.

Kólɛ́ aa ntiiminií mɛɛ́nyɔ́amɔɛ́d a ɛbá yááŋ lɛ́ mbáádáláá lɛ́ ntiigin nyóonɛ lɛ́ ntɛ́lɛm a udi wááŋ. Wɛ, səə əgín nɔgɛ́ɛ́ noáŋ númuʼ ná uʼkudin waam yɔ́ɔy. Kɛ́lɛ lɛ́, mɛɛ́nyɔ́amɔɛ́d nyóonɛ ndɛ na pəsə́dúg pá pálɛɛ́ agɛʼkɔmɔn. Nkóódi tɛn pasɔ́njaa pá mɛ ndɛɛ́ agoʼkɔmɔn. Nyɔ́ mbádóm, aagɛɛn. Nyɔ́ mbɔ́dɔ́ŋɔn, əəgiim. Mbaʼkodɛ́anɛ na nyummú lɛ́ yɛ́ɛn agɛɛlɛ yoom yɛ́ɛnɛ, aagɛɛn agɛɛlɛ.» Ná Yə́sus ayóób tɔgɛ́ɛ́ tóod, yɛɛ́nyɔ́ga kɛ́fɔlɛ́ na sɔ́njaa yɛ́ɛy. Aáság kaágasɛ ná kiʼtúú kɛ́ pɔɔd kɛ́ kɛ́yɛ́ɛ əgiim kímuyə́ən, ɔnɔ́ na pɔ́lɛ́: «Ndabodɛ́anɛ nyɔʼkɔ́: Ɔmbɔ́ əgín a nigúu nɛ́ Ɛ́sɛlayɛl, ntɛ́ʼtála mɔɔd nyummú nyɔ́ yaágɛ́nɛ́ɛ́ oʼto na Táán wɔnɔ́ mɔɔd nyóonɛ.»

Əgín tɛn kɔ áay a kɛnɛŋ kɛ́ɛg, Yə́sus aáság koómanɛ pɔɔd piíŋ a mabámbany mɔ́ɔ́bɔn, na a pɛnɛ́m pɛɔ́bɔn. Aáŋɛ́ŋaŋ tɛn məŋun má mabɛ́ má máyɛ́ɛ na pɔɔd, amɛ́ɛ́lɛ lɛ́ pá páyɛ́ɛ na woog píiʼkini kodɛ́ʼtɛganan. Náa ɔnɔ́ na pɔɔd póob pá Sɛ́aŋ əyíím ádom: «Todáan adɛ́anɛ na Sɛ́aŋ nkə kiim kɛ́ poádála, na nkə kiim kɛ́ pomóób: Táá, powongwóg pándadɛ́ʼtɛganan, pɔɔd pá pɛnɛ́m páalɛŋ kodáŋana, pá páyɛ́ɛ abany nkún pándɛ paŋɛʼ, pɔlɔ́ndɔ́g páagoóbanan, pɛlóŋ pɛ́agoóndɛgan, Tɔsɔm Tólaŋ tóagaálɔɛgɛ a nó mɔsɔ́gasɔ́gá