Popular Bible Verses from Sɛ́aŋ 16

Share

Mbábodɛánɛ náan agɛɛlɛ lɛ́ póɛn ntɛ́m a kaadɛ wiiy lɛ́ polɛ paladáán na mɛ. Polɛ́ɛ́ konɛ ntɔ́b a nsí, náa pisə́ən ongoo óo! Mɛ, mbɔ́nyɔŋ nsí!»

Ná Uŋun ó pafɔ́lɔ́b ólɛ́ɛ́ kiimií, ólɛ́ɛ́ koboyɛ́ɛlɛ lɛ́ pólɛŋ fɔ́lɔ́b yɛ́ɛy ngim. Ódɛndɛ́ɛ́ kobodɛ́anɛ kɛbán a oʼto wə́ə́ŋ ó wólɛ́wóamɔɛ́d. Náa, ólɛ́ɛ́ kobodɛ́anɛ nkə kiim kɛ́ ólɛ́ɛ́ koóbɛ́ɛ́, nkə kiim kɛ́ kɛ́lɛ́ɛ́ kaáyɛ́lɛɛ́.

Əgiim əgiig nɛ́gɔŋ, podɛ́njaŋ kɔɔŋɔn yoom na yoom a niiŋ nɛ́am. Ɔɔŋɔ́nɔɔn, páaboyɛ́ʼkɛn. Áay, poagɛn na tɔnyɔ́g tó kúfuʼ.

Kɔmɔɛ́d lɛ́ fɔ́lɔ́b áa mbábodɛánɛ. Kɔŋɛʼ na pəŋi lɛ́ mɛ nyɛ́ɛn. Kɛ́lɛ lɛ́ mɛ ntiɛnɛn, nyɔ́ alɛɛ́ lɛ́ yíim aboyáamɛnɛn, ədiə́giim. Náa, mbaʼkɛɛn, ndəəgiim mpodómɛn nyɔ́lɛ́. Ná alɛ́ɛ́ kiimií, alɛ́ɛ́ kuloodi na pɔɔd pá a nsí lɛ́ pə́mə́lígə́ə́ a noá na kɔbɛ́, a noá na pɛbán pɛ́ sáád na tuə́ áa Táán alɛ́ɛ́ koboóyɔmɛɛ́.

Kɛ́lɛ tɛn náan yoom ímuʼ na pəŋi. Polɛ nɛ́gɔŋ yɛ́ɛnɛ ntɛ́m a kaadɛ suúúm. Náa, mɛ ndɛ́ɛ́ kiiʼkini koboodála. Áay aa pəŋi polɛ́ɛ́ kɛɛnɛɛ́ na ɛ́fɔlɛ́ ɛ́ tɔnyɔ́g tó mɔɔd adɛndɛ́ɛ́ kobogábɛnɛɛ́. Ná wɔɔ́s wóow ólɛ́ɛ́ kiigií, podɛndɛ́ɛ́ kiŋŋíən kə́mmú kɛbán na kɛbán. A fɔ́lɔ́b, ndabodɛ́anɛ lɛ́ nkə kiim kɛ́ polɛ́ɛ́ kuŋíənií na Sɛ waam a niiŋ nɛ́am, alɛ́ɛ́ koboyɛ́ʼkɛn.

A fɔ́lɔ́b, ndabodɛ́anɛ lɛ́ polɛ́ɛ́ kaálɛɛ, poágaányam. Kɔmɔɛ́d lɛ́ pɔɔd pá a nsí yɛ́ɛnɛ pɔ́lɛ́ pálɛ́ɛ́ kɔnyɔ́ga agá. Polɛ́ɛ́ kɛɛn na ɔʼtɛ́m kogany, náa ɔʼtɛ́m kogany wááŋan ólɛ́ɛ́ kaágasɛ a tɔnyɔ́g.