Popular Bible Verses from Roma 13

Share

Awgaid yani yang dait mayo inangun na magsonod kamo kang Isa Almasi na kanatun Tagallang kay untak yang kinaiya nan makita sang kinabowi mayo. Aw ayaw da kamo pagpadaa sang maat na napso mayo.

Adon, kong aon otang mayo, di dait na amabilin yang otang mayo, awgaid abayadan mayo. Awgaid yang pagsikaoyay, mag-onawa yan ng otang na di akabayadan. Yang otaw na aon looy sang kapag-onawa nan, yatoman nan yang Hokoman ng Tohan.

Yang kariko ng mga otaw dait magpangagad sang gobirno kay way panggobirno na wa pagasikun sang Tohan. Aw yang mga opisyales sang gobirno, yang Tohan yang yagapa-ingkod kanilan.

Adon maynang maduggum pa, awgaid masaid da domatung yang kaamdag. Agaw, tarikodan da natun yang maat na mga inang ng kadugguman aw mag-inang da kita ng madyaw na dait sang mga otaw na iyan sang kapawa. Kay yang madyaw na batasan maynang armas na ipanlaban natun sang maskin ono na maat. Agaw, di kita maglasing aw di oman kita magtambong sang mga pakaradyaan na aon inuman aw kasanguan. Di kita magjina atawa mag-inang ng maskin ono na kadopangan. Di oman kita mapagtanam atawa masina.

Kay kong maooy kita sang kapag-onawa ta, di kita maga-inang ng maat kanilan. Idto sagaw, kong aon kanatun looy, amatoman natun yang kariko ng Hokoman ng Tohan.

Agaw, atagi mayo yang kariko ng mga otaw ng dait i-atag kanilan. Bayadi mayo yang kariko ng bowis na dait mayo bayadan. Addati mayo yang kariko na dait addatan.