Popular Bible Verses from MATEO 5

Share

Janirakiw mä micha qhanas jamas manqhar uchañatak aqtayatäkaspati, jan ukasti, alay chiqar uchatäñapawa uta manqhankirinakar sum qhantañapataki. Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

“Jumanakax akapach qhanäpxtawa. Mä qullu patankir markax janiw imantaskaspati.

“Kusisiñanïpxiw q'uma chuymaninakaxa, jupanakax Diosaruw uñjapxani.

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

“Kusisiñanïpxiw sumankañ utjañapatak ch'amachirinakaxa, jupanakax Diosan wawanakap satäpxaniwa.

“Kusisiñanïpxiw t'aqhisirinakaxa, jupanakax chuymachatäpxaniwa.

“Kusisiñanïpxiw aski kankañ layku t'aqhisirinakaxa, jupanakankiw Diosan qhapaq markapaxa.

“Kusisiñanïpxiw khuyapayirinakaxa, Diosasti jupanakarux khuyapayarakiniwa.

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa. Kusisitak jakasipxam, jumanakasti alaxpach markan jach'a churäwi katuqapxäta; jumanakat nayra profetanakarux kipkarak uñisipxäna.

“Kusisiñanïpxiw llamp'u chuymaninakaxa, jupanakax mä suma uraq katuqapxani.

“Jumanakax akapach jayüpxtawa. Ukampis jayutix ch'aphaqar tukuspaxa, ¿kunampirak jayunchasispasti? Janiw kunatakis askïkxaspati, jan ukasti jaqin takisiñapatak anqar wartatakïxaspawa.

Jumanakax askïpxam, kunjämatix alaxpachankir Awkimax askïki ukhama.

Jumanakan arsuñamax akakïñapawa, ‘Jïsa’, jan ukax ‘janiwa’ sasa. Ukat juk'amp yaqha arux supayat jutiriwa.

“Kunatix satäkän uk ist'apxaraktawa: ‘Uñkatatax, uñkatarakim; tuqxatasti, tuqxarakim’ sasa. Ukampis nayax sapxsmawa: Jan wal lurktam uka jaqirux, jan kutkatamti; jan ukasti, maynitix maysa ajanut t'axllintätamxa, maysa ajanumppach uñacht'ayam.

“Ukhamasti, kupi nayramatix juchar puriyirjamästamxa, apsusin jayar liwtam; walïspawa mä nayrama janchiman chhaqhañapaki, taqpach janchima infiernor jaquntatäñat sipana. Jan ukax kupi amparamatix jan walir puriyirjamästamxa, khariqasim ukat jayar liwtam; walïspawa mä amparama janchiman chhaqhañapaki, taqpach janchima infiernor jaquntatäñat sipana.