Popular Bible Verses from MATEO 27

Share

Jesusasti ukapachaw wali jach'at art'asïna: “Elí, Elí, ¿lemá sabactani?” sasa. (Ukasti: “Diosaxay, Diosaxay, ¿kunatsa antutt'asista?” sañ muni).

Ukapachaw Tatitun utapankir jach'a cortinax payar ch'iyjtäna, amstat qalltasina aynachar tukuyasa. Uraqix khathatïnwa, qarqanakas ch'iyatattänwa, amay imäwinakax jist'artänwa; Diosar iyawsas jiwirinakas jakatatapxarakïnwa.

Jesusasti wasitat jach'at art'asïna, ukat jiwawayxäna.

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Ukapachasti chikürut chika jayp'ukamaw taqpach uraqix ch'amakt'äna.

Pilatosti jupanakarux wasitat jiskt'äna: —Ukhamax ¿kun lurañaxsa munapxta Cristo satäkis uka Jesusampixa? —sasa. Ukarux taqiniw mayak sapxäna: —¡Ch'akkatam! —sasa. Pilatosti jupanakarux sänwa: —¿Kuna jan walpunrak luristi? —sasa. Jaqinakasti wasitat art'asipkakïnwa: —¡Ch'akkatam! —sasa.