Popular Bible Verses from MATEO 24

Share

Ñanqhan wal mirantatap laykusti, jaqinakax waljaniw jupanakkam munasiñxa chhaqtayasxani. Ukampis khititix tukuykam sayt'kani ukakiw qhispiyatäni.

Diosan qhapaq markapat suma yatiyäwix taqi uraqpachan yatiyasini, taqpach jaqinakan uk yatiñapataki; ukapachaw tukuyax purinini.

Jumanakasti, taqi chiqan ch'axwañanakan utjatap ist'apxäta, ukampis janiw axsarapxätati, taqi ukanakax phuqhasiñapapuniwa, ukampis janïraw ukax tukuyäkiti.

Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani. Taqi ukanakasti jach'a t'aqhisiñan qalltapakïskiwa.

Alaxpachampi akapachampix tukusiniwa, arunakaxasti janiw tukuskaniti.

Waljaniw nayan sutixar jutapxani: “Nayätwa Cristoxa” sasa, jupanakasti waljaniruw k'arintapxani.

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam. Uka urunakansti waljaniw nayar iyawsatanakap chhaqtayasipxani, purapat uñisisipxani, purapat aljantasipxani. Walja k'ari profetanakaw sartani, jupanakasti waljaniruw sallqjapxani.

Jesusasti jupanakarux sarakïnwa: —Wal amuyasipxam, jan khitimpis sallqjayasipxamti.

Ukhamasti jumanakax wakicht'atäpxam; Jaqin Yuqapasti kunapachatix jan amuyasipkäta, ukapachaw jutani.

“Jumanakax suyapxapunim, kunürutix Tatitux jutkan uk janiw yatipktati.

“Ukampis kuna pachäkanitixa, jan ukax, kuna urükanitix uk janiw khitis yatkiti, janiw alaxpachankir angelanakas yatkiti, janirakiw Diosan Yuqapas yatkiti, jan ukasti Dios Awki sapakiw yati.

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

“Kunjämatix Noen urunakapan luraskatayna ukhamarakiw Jaqin Yuqapax jutkani ukkhax lurasini. Uma juicio janïr purinkän uka urunakanxa, jaqinakax manq'asipkänwa, umasipkänwa, jaqichasisipkarakïnwa, Noé chachan arcar mantañapkama. Ukapachaw jupanakan jan amuykayak uma juiciox purinïna, ukat taqiniw jiwarapxäna. Jaqin Yuqapax jutkani ukkhax ukhamarakïniwa.