Popular Bible Verses from HABACUC 1

Share

“Kawkïr markanakatix jumanakar muyuntapktam ukanakar uñtapxam; wali sustjasiñamp uñch'ukipxam. Nayax taqi akanak niyaw lurä, maynitix jumanakar taqi akanakat yatiyapxiristam ukkhasa, janiw chiqäpachaw sapkasmati.

Tatay, ¿kunapachkamarak juman jan ist'kata yanapt'am mayisa arnaqasïmasti? ¿Kunapachkamarak nuwasiñ jan utjañapatak arnaqasïma, qhispiyir jan jutkät ukasti?

¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Kamachinakax janiw phuqhaskxiti, chiqa uñjäwis takichasitawa, jan wali jaqisti, aski jaqirux arknaqiwa, chiqa uñjañasti maysar uñtayatawa.