Popular Bible Verses from ÉXODO 5

Share

Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.

Nayax faraonamp juman sutimxar parlir jutkta uka urutpach jupax markamar juk'amp t'aqhisiyi; jumasti markamar qhispiyañatakix janiw kuns lurktati —sasa.

Moisesasti Tatituruw mayïna: —¡Dios Tatay! ¿Kunatarak aka markamar t'aqhisiytasti? ¿Kunatakirak nayar khithanistasti?

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Ukampis qawqha ñiq'i tikanaktix lurapxirïki ukkharak mayipxäta. ¡Jan mayas pist'pati! Uka jaqinakax jayranakäpxiwa ukat jach'at arsusipxi: “¡Nanakax Diosaxar wilañchanak luqtir sarxapxä!” sasa. Jumanakax juk'amp wali ch'amamp uka jaqinakar irnaqayapxam, jan inakt'ayapxamti, uka k'ari arunak jan ist'asipkañapataki —sasa.